Орчноор нэг байсан халууныг орой болохоор хаяандаа авч ирээд хураачихдаг юм болов уу, энэ тэнгэр гэж бодонгоо тэртээх гүн улбар өнгийг ширтэж сууна.
Гучин хэм дөхөж заримдаа хальж халсан энэ халуун өдрүүдэд миний амьдрал ч бас амьсгалаа бүтэн авч амжамгүй өдрүүд ар араасаа цуварч одоо л би тэнгэрийн хаяа ширтэнгээ, ахуйтай холбогдолгүй ийм асуултанд дураараа ээрэгдэх, тааж бодох завтай болов.
“Оройдоо байсан халууныг орой болохоор хаяандаа хураах” гэж бодмогц бодол хоосон чанар буюу тэгийн тухай болж хувирна. Эхлэл нь төгсгөлтэйгөө холбогдох төгс дүрс, тэг. Тэг байх нь бүтэн байх тухай, бүтэн байх нь эрээнтэй бараантай, зовлонтой жаргалтай бүх юмтайгаа байх тухай бас тэгээд хоосон байх тухай. Хоосон гэчихвэл хорогдох шаардлагагүй, бүх юм болоод дуусах болохоор адгах бүр ч хэрэггүй. Ингэхээр ертөнцийн бүх юмыг ялангуяа одоо байгаа хоромыг хайрлаж, өнөөдөр болсон ярвигтай асуудлыг өнгөрөөж, чадах юм байвал уучилж, чадахгүйг нь орхимоор санагдана.
Ер нь бүр нэг амьдарсан шиг амьдармаар урам зоригийг ургаж буйгаас нь биш жаргаж буй нарнаас мэдэрнэ. Болоод л өнгөрөнө дөө, гэхдээ хамгийн сайнаараа хичээчихнэ дээ маргааш ч бас гэж бодоод урт амьсгаа авна. Ай даа, байгаль дэлхий хүний хорвоод сүр жавхлангаа хэлгүй гайхуулж, дуугүй сүрдүүлнэ.
Нар жаргав... Ямар нэгэн юм дуусаж байгаа тухай, эсвэл зүгээр тэр үгээрээ буюу баярлаж жаргаж байгаа тухай мэт. Тэнгэр ширтэх энэ хэсэгхэн хоромд эмчлэгдэж байгаа аятай ийм их тайтгарал юутай таатай. Хүрээлэн байгаа юм бүхэн минь бидэнд хүч тамир өгдөг шүү. Тэнгэр, мод, шувуу, хүмүүс... Хариуд нь биднээс тэднийг анзаарах хумсын толион чинээ анхаарал л хэрэгтэй.
Анзаарч талархах энэ хором мөчийг өөртөө, байгальд, бас хүмүүст гаргаж байгаарай. Нар жаргав...
Дундаж монгол Долгор
Холбоотой нийтлэлүүд:
Дундаж монгол Долгорын зайлшгүй сурах ёстой хэл
Дундаж монгол Долгорын мөрөөдөл
Дундаж монгол Долгор ба Google map
Дундаж монгол Долгор: Эцэг эхийн ачлал
Дундаж монгол Долгор: Далай анх харсан нь
Дундаж монгол Долгор: Хорин тавны агт араа
Дундаж монгол Долгор: Ганцаараа аялах юмсан гээд бодож суугаа найзыгаа ёврох нь
Дундаж монгол Долгор: Шан-Чи үзээд автсан бодол
Дундаж монгол Долгор: Аравдугаар сард өгөх амлалт
Дундаж монгол Долгор ба Комиссын хувцас
Дундаж монгол Долгор: Тоо ба Миний гуниг
Дундаж монгол Долгор: Оройгүй сүм буюу биелээгүй ариун хүсэл
Дундаж монгол Долгор ба Шархадсан цэрэг
Дундаж монгол Долгорын хүсэл: Улаанбаатарын гудамж бүрээс урам зоригийн дуу хадаасай
Дундаж монгол Долгор нь Малтад
Дундаж монгол Долгор: Алдуурсан сэтгэл
Дундаж монгол Долгор: Өөрийн тоомсор
Дундаж монгол Долгор: Чамд би ийм бэлэг өгнө, энэ шинэ жилээр. Бас дараа нь ч гэсэн
Дундаж монгол Долгор: Хуучин он минь баяртай
Дундаж монгол Долгор: Сэтгэлийн шинж тэмдгүүд ба гутрал минь
Дундаж монгол Долгор: Хавар тэгээд дурлал...
Дундаж монгол Долгор: “love him free”
Дундаж монгол Долгор: Шийдвэр гаргалт
Дундаж монгол Долгор: Амьдралын гуравны нэг
Дундаж монгол Долгор: Эмэгтэйчүүдийн ариун цэврийн өрөө
Дундаж монгол Долгор: Хэдэн төгрөгний цалинтай ажилд орох вэ?
Дундаж монгол Долгор ба Эрх ямбатны зовлон
Дундаж монгол Долгор: Завгүй амьдрал
Дундаж монгол Долгор: Наймаалж багшаас сурсан миний хичээл
Дундаж монгол Долгор: Намайг нас барахаар суварга биш сандал болгоорой
