Хатагтай дундаж маань шинэ оны эхний долоо хоногт хуучин зүрхээ тэврээд өөрийгөө хорьж, өөрөө өөртөө гайхаж шаналаж өнгөрүүлэв. Манай нэг найз шаналаад байна аа, гэхээр сэтгэл тайвшруулсан нэг гоё киноны хэсгээс иш татдаг юм. “Намайг нэрээрээ дуудаач” киноны төгсгөл хавьцаа залуу хүү Элиод түүний аав чин сэтгэлээсээ хандаж өгүүлдэг тэр хэсэгт “Бид аливааг хурдан анагаахын тулд өөрсдийнхөө ихэнх хэсгийг тасдаж хаядаг. 30 хүрээд л юу ч үгүй хоосон болно… юу ч мэдрэхгүй гэж, юу ч мэдрэхгүйн тулд… хайран юм. …Яг одоо чамд харуусал, шаналал бий. Түүнийгээ битгий үгүй хий…” гэж.
Намайг тойрдог “мета” дуу хоолойнууд эерэг байхыг, шууд шаахыг, босоод зогсохыг, нүүрээ будахыг, бас нүүрээ буруулахыг үргэлж шаардаж байна. Гэхдээ мэдэрдэг зүрхэндээ өнөөх хүн л болсон хойно шинэ он эхлэчихлээ гэнгүүт нүүрээ будаал, босож зогсоод л нэгэн зэрэг олон зүйлийг зэрэг амжуулж айхтар амжилттай яваад байж би чаддаггүй ээ. Тэрний оронд тойрч зугтаах, хийх ёстой юмаа зүгээр л ширтэж суух, орондоо удаан хэвтэх, эмх цэгцгүй орчиндоо өөртөө хайхрамжгүй хандах, хүмүүсээс зайгаа барих, токсик харилцаагаа ойр ойрхон тойглох зэргээр өдөр хоногийг өнгөрөөв. Хамгийн муухай нь энэ шинж тэмдгүүд сэтгэл гутралын шинж тэмдэг гэдгийг дундаж Долгор мэддэгт байгаа юм. Одоо энэ эмх замбараагүй түмэн бодлоо чирээд, шигдсэн байсан орон дээрээ шомбойж суугаад энийг бичнэ. Яг одоо чамд харуусал, шаналал бий. Түүнийгээ битгий үгүй хий…
Ямартай ч эхний ээлжинд хүлээн зөвшөөрчихөв.
Тэгээд тэвдэхгүй, тойроод байгаа хуруунуудаа компьютерийнхаа кейборд дээр ганц хоёроор нь ч хамаагүй зөөгөөд юмаа бичиж байна. Яг энэ дадлыг бидний бишрэн үзсэн Паразит киноны найруулагч Бон Жун Хо зөвлөсөн байсан. Хэрвээ чи гацчихвал ганцаас эхлээрэй, тэр ганц чинь яваандаа арав болж арвижаад, арав нь нэг л мэдэхэд зуу зуу болж дэлгэрсэн байх болно гэсэн шүү утгатай онч үг нөгөө “мета”-аасаа олзолсон нь бодит амьдралд ингэж тусаа олжээ.
Хэлмээр байгаа санаагаа төгсгөлд нь базахад, сөрөг сэтгэл хөдлөл муу гэсэн үг биш шүү, сэтгэцийн эрүүл мэндээ хамгаалдаг, мэддэг байх нь маш чухал, хэрвээ чи гутарсан, ганцаардсан, шаналсан бол хүлээн зөвшөөрөхөөс эхлээрэй. Нэгэнт хүлээн зөвшөөрчихөөр чи байгалийнхаа зөнгөөр үйлдэл аваад л эхлэнэ. Тэр нь ганц хоёрхноор алгуурхан байсан ч аандаа болно. Мета ертөнц дээр чиний цагаан хар аль ч хамаагүй атаархлыг төрүүлж байгаа тэр хүн ч бас адилхан чаваас хүн шдээ. Бидний хоолойн дээр үг хүртэл нэг янзаар зангирч, нүднээс нэг янзаар нулимс бөмбөрдөг гэдэг шиг ав адилхан алаг хорвоон тоосыг хөдөлгөж яваа шүү. Тэгээд бүх юм сайхан болнодоо. Гунигтай сэтгэлийг аргадаж хайрлая.
Дундаж монгол Долгор.
Холбоотой нийтлэлүүд:
Дундаж монгол Долгорын зайлшгүй сурах ёстой хэл
Дундаж монгол Долгорын мөрөөдөл
Дундаж монгол Долгор ба Google map
Дундаж монгол Долгор: Эцэг эхийн ачлал
Дундаж монгол Долгор: Далай анх харсан нь
Дундаж монгол Долгор: Хорин тавны агт араа
Дундаж монгол Долгор: Ганцаараа аялах юмсан гээд бодож суугаа найзыгаа ёврох нь
Дундаж монгол Долгор: Шан-Чи үзээд автсан бодол
Дундаж монгол Долгор: Аравдугаар сард өгөх амлалт
Дундаж монгол Долгор ба Комиссын хувцас
Дундаж монгол Долгор: Тоо ба Миний гуниг
Дундаж монгол Долгор: Оройгүй сүм буюу биелээгүй ариун хүсэл
Дундаж монгол Долгор ба Шархадсан цэрэг
Дундаж монгол Долгорын хүсэл: Улаанбаатарын гудамж бүрээс урам зоригийн дуу хадаасай
Дундаж монгол Долгор нь Малтад
Дундаж монгол Долгор: АЛДУУРСАН СЭТГЭЛ
Дундаж монгол Долгор: Өөрийн тоомсор
Дундаж монгол Долгор: Чамд би ийм бэлэг өгнө, энэ шинэ жилээр. Бас дараа нь ч гэсэн
