Сайн уу, удаан уулзсангүй шүү,...
Энийг бичиж суугаа хүн саяхан дурлалын суманд оногдчихов. Харвасан тэр хайрын бурхан амор нь ч юмуу хэн нь ч юм нэг юм нь нөгөө талыг нь ч бас сумаараа оноод надад дурлуулчихгүй өрөөсөн болгож тааруулаад оногдсон сумандаа шархадсан би хэсэг миарав. Магадгүй нөгөө талыг нь ч бас сум чиглэж харвасан байх. Гэхдээ дахиж шарх авахгүй гээд хуяглачихсан хүнд дурлачихсан юм шиг...
Өө чи надаа дурлахгүй юмуу, өө чи намайг бодохгүй юмуу, өө чи миний хүссэн мөчүүдийг өгөхгүй юм уу. Өө би ийм юм хүртэх ёстой хүн биш. Энэ бол хүнд дурласан ч өөрийгөө илүү хайрладаг би. Би авмаар байна, би өвдмөөргүй байна, би өөрөө хайрлахаасаа ч илүү өөрийгөө хайрлуулмаар байна. Энэ бол би. Энэ аминч зан маань намайгаа их тамалсаан. Гэхдээ яг ингэж шаналаж байхдаа Милан Кундерагийн Тэвчихийн аргагүй хөнгөн оршихуй дээр гардаг нэг хэсгийг санасан.
“...Энэ бол хамгийн аминч бус хайр байв: Тереза Каренинаас юу ч шаардаагүй, өөрийг нь хариу хайрлахыг ч гуйгаагүй. Тереза Каренинг хайрлахдаа хосуудын харилцааг тахал мэт дайрдаг эсэн бусын асуултыг хэзээ ч өөртөө тавьж байсангүй: Тэр надад хайртай болов уу? Тэр өөр хэн нэгнийг надаас илүү хайрладаг юм биш биз? Би түүнийг хайрладгаас илүү тэр намайг хайрладаг болов уу? Магад бид асууж, шалгааж, хэмжиж, тааж, хамгаалах гэж улайрах тусам хайр улам хорж хорогддог байж мэднэ. Өөрсдийгөө хайрлуулах гэж хэтэрхий шунаснаас юу ч шаардалгүй гагц зөнгөөрөө хамтдаа байх нь бидэнд хангалтгүй санагдаж, нөгөө хүнээсээ ямар нэг юм (хайр) зогсолтгүй нэхэн шаарддаг болоод л бид бусдыг хайрлаж чаддаггүй биз ээ…”
Тэгээд энэ цогцолборыг санаад адгаж байсан амиа зангаа урт амьсгал, хоёр дусал нулимстайгаа хамт гаргаж хаяад Аделийн дуун дээр гардаг шиг "love him free" гэж шийдсэн. Хүнийг зүгээр хайрлана гэхээрээ яадаг юм шиг санагдсан бэ гэвэл, өгч чадах бүхнээ асуулгүй өгөх нь л хайр юм шиг санагдсан. Амар тайван байлгах нь, зүгээр л хажууд байх нь хангалттай санагдах нь хайр юм шиг санагдсан. Бүр цохож тодруулбал мэдэхгүй ирээдүйн төлөө шаналахгүй байх нь амар тайван байсан.
Тэгээд би хариуд нь юу авсан гээч тухайн цаг мөчийг, намайг ч бас амар тайвнаар хучих тийм дүүрэн хормыг тэврэв.
Дундаж монгол Долгор.
Холбоотой нийтлэлүүд:
Дундаж монгол Долгорын зайлшгүй сурах ёстой хэл
Дундаж монгол Долгорын мөрөөдөл
Дундаж монгол Долгор ба Google map
Дундаж монгол Долгор: Эцэг эхийн ачлал
Дундаж монгол Долгор: Далай анх харсан нь
Дундаж монгол Долгор: Хорин тавны агт араа
Дундаж монгол Долгор: Ганцаараа аялах юмсан гээд бодож суугаа найзыгаа ёврох нь
Дундаж монгол Долгор: Шан-Чи үзээд автсан бодол
Дундаж монгол Долгор: Аравдугаар сард өгөх амлалт
Дундаж монгол Долгор ба Комиссын хувцас
Дундаж монгол Долгор: Тоо ба Миний гуниг
Дундаж монгол Долгор: Оройгүй сүм буюу биелээгүй ариун хүсэл
Дундаж монгол Долгор ба Шархадсан цэрэг
Дундаж монгол Долгорын хүсэл: Улаанбаатарын гудамж бүрээс урам зоригийн дуу хадаасай
Дундаж монгол Долгор нь Малтад
Дундаж монгол Долгор: Алдуурсан сэтгэл
Дундаж монгол Долгор: Өөрийн тоомсор
Дундаж монгол Долгор: Чамд би ийм бэлэг өгнө, энэ шинэ жилээр. Бас дараа нь ч гэсэн
Дундаж монгол Долгор: Хуучин он минь баяртай
