Сайн мэдээ
Арцатын амд “Аялал жуулчлалын сургалтын төв” нээгдлээ
БНСУ-ын Засгийн газрын буцалтгүй тусламжаар баригдсан “Аялал жуулчлалын сургалтын төв”-ийг өнөөдөр нийслэлийн Хан-Уул дүүргийн Арцатын амд албан ёсоор нээлээ. Энэхүү төв нь Монгол, БНСУ-ын Засгийн газар хоорондын хамтын ажиллагааны хүрээнд аялал жуулчлалын салбарын хүний нөөцийн чадавхыг бэхжүүлэх зорилгоор байгуулагдаж байгаа юм.
2025-05-29
Сэлбэ дэд төвд “20 минутын хот”-ын бүтээн байгуулалт эхэллээ
Чингэлтэй, Сүхбаатар дүүргийн нутаг дэвсгэрт хэрэгжих “20 минутын хот” загварт нийцсэн анхны жишиг төсөл болох Сэлбэ дэд төвийн барилга угсралтын ажил албан ёсоор эхэллээ. Энэ төсөл нь 158 га талбайд нийт 2,206 нэгж талбайг хамрах бөгөөд эхний ээлжийн хоёр багц тендерийн хүрээнд 4,400 айлын орон сууцыг 6 буудал, Оргил худалдааны төв орчмын 25.6 га газарт барихаар төлөвлөжээ.
2025-05-29
Гадаадын иргэд E-Mongolia-аас шууд үйлчилгээ авах боломжтой
“И-Монгол академи” УТҮГ нь Гадаадын иргэн харьяатын газрын нийт 10 үйлчилгээг цахимжуулж Монгол Улсад оршин суугаа гадаад иргэдийн хэрэгцээ шаардлагад нийцсэн цахим үйлчилгээг үзүүлж, хүртээмжтэй байдлыг нь сайжруулан гадаад иргэдэд илүү ойр, шуурхай байх тал дээр анхаарч ирсэн билээ.
2025-05-28
“Найдвар түгээе” ТББ Увс аймгийн 100 жилийн ойд зориулан эмнэлгийн тоног төхөөрөмж хандивлав
Увс аймгийн Сагил сумын уугуул Х.Энхтуяагийн санаачилгаар “Найдвар түгээе” төрийн бус байгууллагаас тус аймгийн 100 жилийн ойд зориулан нэгдсэн эмнэлэгт нэн шаардлагатай тоног төхөөрөмж хандивлалаа.
2025-05-27
Аялал жуулчлалын сургалтын шинэ төвийг Арцатын амд нээнэ
БНСУ-ын Засгийн газрын буцалтгүй тусламжаар баригдсан “Аялал жуулчлалын сургалтын төв”-ийг 2025 оны тавдугаар сарын 29-нд Хан-Уул дүүргийн 23 дугаар хорооны Арцатын аманд албан ёсоор нээх гэж байна. Энэхүү төв нь Монгол Улсын Засгийн газар болон БНСУ-ын Засгийн газар хоорондын хэлэлцээрийн хүрээнд аялал жуулчлалын салбарын хүний нөөцийн чадавхыг бэхжүүлэх зорилгоор хэрэгжүүлж буй төслийн үр дүн юм.
2025-05-26
“Хашаандаа таван мод тарья” аян эхэллээ
“Тэрбум мод тарих үндэсний өдөр”-үүдийн хүрээнд Байгаль орчин, уур амьсгалын өөрчлөлтийн сайд С.Одонтуяагийн санаачилгаар “Хашаандаа таван мод тарья” экологийн аяныг 2025 оны тавдугаар сарын 15-наас эхлүүлээд байна. Аян нь орчны бохирдлыг бууруулж, уур амьсгалын өөрчлөлтийг сааруулах зорилготой бөгөөд мод үржүүлгийн чиглэлээр үйл ажиллагаа явуулдаг байгууллагууд, төрийн бус байгууллага, нөхөрлөлүүдийг дэмжихийг зорьж байгаа юм.
2025-05-21
Жендэрийн тэгш байдлыг дэмжсэн Монгол, Европын төсөл амжилттай хэрэгжиж дууслаа
Монгол Улсын Зэвсэгт хүчин болон Европын холбоо хамтран хэрэгжүүлсэн “Жендэрийн тэгш байдлын элч – Монголын энхийг сахиулагчид” төсөл албан ёсоор хаагдлаа. Энэхүү төсөл нь анх удаа хоёр талын хамтын ажиллагаагаар хэрэгжсэн бөгөөд жендэрийн мэдлэг, чадамжийг нэмэгдүүлэх, энхийн ажиллагаанд Монголын оролцоог илүү хүлээн зөвшөөрөгдөх түвшинд хүргэх зорилготой байв.
2025-05-21
Зайсангийн зүүн гүүрийг ирэх зургадугаар сард ашиглалтад оруулна
Анх 1968 онд ашиглалтад орсон Зайсангийн хуучин гүүр сүүлийн хагас зуун жилийн хугацаанд засвар хийгдээгүйгээс 2012 онд ашиглах боломжгүй гэсэн дүгнэлт гарсан. Үүний дараа шат дараатайгаар баруун, зүүн гүүрийг шинэчлэх ажил эхэлсэн бөгөөд баруун гүүрийг 2023 оны есдүгээр сард ашиглалтад оруулсан бол зүүн гүүрийг 2025 оны зургаадугаар сард бүрэн дуусгахаар ажиллаж байна.
2025-05-20
Дарханд “Буянт хайрхны цэцэрлэгт хүрээлэн” байгуулагдаж байна
Дархан-Уул аймгийн Буддын шашны сүм, хийдүүдийн холбооноос санаачлан “Буянт хайрхны цэцэрлэгт хүрээлэн” нэртэй ногоон төгөл байгуулахаар 31 дүгээр хорооллын арын толгойд ажлаа эхлүүлжээ. Аймгийн зүгээс 6 га газрыг шийдвэрлэж өгсөн бөгөөд нийт 10 мянган мод тарих зорилготой төслийн хүрээнд өнөөдрийн байдлаар 900 орчим мод аль хэдийнэ таригдсан байна.
2025-05-20
Өмнөговь аймагт сурагчдын шүд угаах буланг үе шаттай байгуулж байна
“Өсөлттэй Өмнөговь” хөтөлбөрийн хүрээнд ерөнхий боловсролын сургуулийн 1-7 дугаар ангийн сурагчдыг үдийн хоолны дараа шүдээ угаах хэвшилтэй болгох зорилгоор шүд угаах буланг үе шаттай байгуулж эхэлжээ.
2025-05-20
Архангай аймагт “Оюу толгой” ХХК 5.3 сая мод тарина
“Оюу толгой” ХХК Архангай аймгийн Жаргалант сумын 24 байршлын 2138 га талбайд 2026-2030 оны хооронд нийт 5 сая 345 мянган шинэс мод тарих томоохон ойжуулалтын ажлыг хэрэгжүүлэхээр төлөвлөжээ.
2025-05-20
Хэнтий аймагт “Сэцэн ханы ордон музей” нээгдлээ
Олон улсын музейн өдрийг тохиолдуулан Хэнтий аймагт “Сэцэн ханы ордон музей” албан ёсоор нээлтээ хийлээ. Энэхүү музей нь Сэцэн хан аймгийн түүх, соёлын өвийг хадгалан хамгаалж, олон нийтэд түгээн дэлгэрүүлэх зорилгоор байгуулагдсан бөгөөд нутгийн иргэд болон жуулчдад түүх, соёлын мэдлэг олгох шинэ төв болон ажиллах юм.
2025-05-19
E-Mongolia, E-Business системээр УБЕГ-ын 129 үйлчилгээ цахимаар авах боломжтой
“И-Монгол академи” УТҮГ нь байгуулагдсан цагаасаа эхлээд Улсын бүртгэлийн ерөнхий газарт хамтран ажиллан иргэдийн хамгийн эрэлттэй 129 үйлчилгээг цахимд шилжүүлсэн. E-Mongolia, E-Business системд нийтдээ УБЕГ-ын 129 үйлчилгээг цахимжуулснаар иргэн, аж ахуйн нэгжид цаг хугацаа, зардал хэмнэсэн, хүртээмжтэй шинэ орчныг бүрдүүлсэн юм.
2025-05-16
Өвөр гүнтийн 4.5 км авто замын шинэчлэлтийн ажил эхэллээ
2015 онд ашиглалтад орсон Өвөр гүнтийн авто замд өнөөдрийг хүртэл зөвхөн нөхөөс засвар хийж байсан бол, иргэдийн санал хүсэлтийн дагуу нийслэлийн Замын хөгжлийн газраас 4.5 км замын иж бүрэн шинэчлэлтийн ажлыг эхлүүлжээ. Тус ажлыг “Фючер Прогресс” ХХК гүйцэтгэж байна.
2025-05-16
БНСУ-ын “Ханнара” ТББ Арвайхээрт мянган нарс мод тарилаа
БНСУ-ын “Ханнара” төрийн бус байгууллага Өвөрхангай аймгийн Арвайхээр сумын “Их Монгол” цэцэрлэгт хүрээлэнд 1000 ширхэг нарс мод тарьж, байгаль орчны нөхөн сэргээлт, ногоон байгууламжийг нэмэгдүүлэх ажилд бодит хувь нэмэр орууллаа. Тус байгууллага нийт 1500 нарс мод хандивласны үлдсэн 500-г нь Хужирт суманд тарихаар төлөвлөжээ.
2025-05-14
Монголын гаалийн шинэчлэлд хиймэл оюун ухааны дэвшилтэт технологи нэвтрүүлнэ
Гаалийн ерөнхий газар (ГЕГ) БНСУ-ын Засгийн газрын санхүүжилтээр 2025–2026 онд “Хиймэл оюунд суурилсан дэвшилтэт технологийг нэвтрүүлж, гаалийн шинэчлэлийг бэхжүүлэх нь” нэртэй төслийг хэрэгжүүлэхээр боллоо. Энэхүү төсөл нь гаалийн хяналт шалгалтын үр нөлөөг нэмэгдүүлэх, гадаад худалдааг хөнгөвчлөх, авлигагүй, ил тод удирдлагын тогтолцоог бүрдүүлэх зэрэг олон талын ач холбогдолтой юм.
2025-05-14
Агроэкологийн сургуулийн хамт олон “Тужийн нарс”-нд 40,500 нарсны тарьц суулгаж ойжуулалт хийлээ
ХААИС-ийн Агроэкологийн сургуулийн багш, оюутнууд “Тэрбум мод” үндэсний хөдөлгөөнд идэвхтэй нэгдэн, тогтвортой ногоон ирээдүйн төлөөх их үйлсэд бодитой хувь нэмрээ орууллаа. Тэд Баянчандмань дахь Мод үржүүлгийн газарт тарьж ургуулсан 40,500 ширхэг нарсны тарьцаар Сэлэнгэ аймгийн Тужийн нарсны байгалийн цогцолборт газрын 15 га талбайд ойжуулалтын ажил амжилттай гүйцэтгэсэн байна.
2025-05-13
Шарга морьт, Хандгайтын уулзварт цагдаагийн хяналтын пост ашиглалтад орлоо
Сүхбаатар дүүргийн төсвийн хөрөнгө оруулалтаар 19 дүгээр хороонд байрлах Шарга морьт, Хандгайтын авто замын уулзварт цагдаагийн хяналтын постын барилга баригдаж, өнөөдрөөс ашиглалтад орлоо. Энэхүү пост нь замын хөдөлгөөний аюулгүй байдлыг хангах, осол, гэмт хэрэг, зөрчлөөс урьдчилан сэргийлэх, авто замын байнгын хяналтыг сайжруулах чухал ач холбогдолтой юм.
2025-05-13
Хөвсгөл аймгийн Мөрөн суманд ойн зурвас байгуулна
“Тэрбум мод” үндэсний хөдөлгөөний хүрээнд Хөвсгөл аймгийн Мөрөн суманд ногоон байгууламжийг нэмэгдүүлэх, экологийн тэнцвэрт байдлыг хангах зорилгоор ойн зурвас байгуулах ажил эхэлж байна.
2025-05-09
Кызыл–Улаанбаатар чиглэлийн тогтмол нислэгийг зургаадугаар сард эхлүүлнэ
ОХУ-ын Бүгд Найрамдах Тува Улсын нийслэл Кызыл хотоос Монгол Улсын нийслэл Улаанбаатар хотын чиглэлд тогтмол нислэг үйлдэхээр болсныг тус улсын тэргүүн Владислав Ховалыг Телеграм хуудсаараа дамжуулан мэдэгдлээ. Энэхүү нислэгийг 2025 оны зургаадугаар сарын 18-наас эхлүүлэхээр төлөвлөж байгаа бөгөөд эхний ээлжинд наймдугаар сарын 31 хүртэл тогтмол үйлчилнэ.
2025-05-08
