Иранаас худалдааны хөлөг онгоцнуудад цохилт өгсөөр байх тул газрын тосны үнэ нэг торх нь 200 ам.долларт хүрэхэд бэлтгэлтэй байхыг тус улсын эрх баригчид дэлхий нийтэд анхааруулжээ. Үүний зэрэгцээ Олон улсын эрчим хүчний агентлаг дэлхийн газрын тосны зах зээл дэх 1970-аад оноос хойших хамгийн томоохон хямралыг намжаахын тулд стратегийн нөөцөөс их хэмжээний газрын тос гаргахыг зөвлөөд байна.
Хоёр долоо хоногийн өмнө АНУ, Израилын хамтран агаарын цохилт өгснөөр эхэлсэн энэхүү дайны улмаас одоогоор 2000 орчим хүн амь алдаад байгаагийн ихэнх нь Иран, Ливаны иргэд байна. Энэ мөргөлдөөн Ливан руу өргөжин тэлж, мөн дэлхийн газрын тосны зах зээл, тээвэрлэлтэд эмх замбараагүй байдал үүсгээд байна.
Иранд цэргийн ажиллагаа эхэлснээс хойших хамгийн хүчтэй цохилтуудыг өгсөн гэж Пентагоны зүгээс мэдэгдсэн боловч Ираны тал өчигдөр Израил, Ойрх Дорнодын орнууд руу довтолж, хариу цохилт өгөх чадалтай байгаагаа харуулсаар байна.
Өчигдөр Персийн буланд худалдааны гурван хөлөг онгоц дайралтад өртсөн бөгөөд анхааруулгыг нь дагаагүй хөлөг онгоцнууд руу довтолсон гэж Ираны Хувьсгалт гвард мэдэгджээ.
Эх сурвалж: Reuters
