x

Ч.Өнөржаргал: Цагдаагийн байгууллага хүний нэр хүндэд халдаж байна

Сэтгүүлч Б.Даваахүүг "нийтийн албан тушаалтны гомдлоор" гэх хаягтайгаар энэ сарын 6-нд баривчлан саатуулж, үргэлжлүүлэн 30 хоногийн хугацаатай цагдан хориод байгаа.

Сэтгүүлчийн өмгөөлөгч болох Ч.Өнөржаргал энэ сарын 17-нд Б.Даваахүүгийн цагдан хориог цуцлуулж, гадуур шалгуулах хүсэлтийг тавьсан ч уг хүсэлтийг шүүх хүлээж аваагүй бөгөөд цагдан хорих хугацааг хэвээр үлдээсэн байна. Энэ талаар өнөөдөр /2026.11.19/ цагдаагийн байгууллагаас мэдээлэл хийж, "Б.Даваахүүг сэтгүүлчийн мэргэжлийн үйл ажиллагаатай нь холбоотой барьж хориогүй. Нэр бүхий хүмүүстэй бүлэглэн нийтийн албан тушаалтныг сүрдүүлсэн. Орон байр, гар утас, тээврийн хэрэгсэлд нэгжлэг хийхэд гэмт хэрэг үйлдсэн болох нь тогтоогдсон" гэсэн билээ.

Уг мэдээлэлтэй холбогдуулан сэтгүүлчийн өмгөөлөгч Ч.Өнөржаргал олон нийтэд хандаж, мэдээлэл хийлээ.

Ч.Өнөржаргал:

-"Өмгөөлөгчийн үйл ажиллагаа үйлчлүүлэгчээс авсан зөвшөөрлийн хэмжээнд мэдээлэл өгөх эрхтэй. Тиймээс хэргийн үйл явцын талаар мэдээлэл өгөх боломжгүй. Харин өнөөдөр цагдаагийн байгууллагаа миний үйлчлүүлэгчийн эрх зүйн байдал болоод нэр хүндэд нь тодорхой хэмжээгээр сөрөг нөлөө үзүүлэхүйц мэдээлэл хийлээ. Учир нь хэрэг хянан шийдвэрлэх явцад тодорхой хугацаа, ажил орно. Эцсийн шийдвэрийг шүүх гаргана. Гэтэл цагдаагийн байгууллагаас мэдээлэл хийхдээ "нэр бүхий дөрвөн иргэнтэй Эрүүгийн хуулийн 23.7 хэсэгт заасан гэмт хэрэг үйлдсэн нь тогтоогдсон" гэлээ. Үүнийг сэтгүүлчийн нэр хүндэд халдсан үйлдэл гэж харж байна.

Өмгөөлөгчийнх нь хувьд миний үйлчлүүлэгчийг цагдан хорих, таслан сэргийлэх арга хэмжээ авахгүйгээр түүний холбогдсон хэргийг нь шалгуулах хүсэлтийг гаргасан. Б.Даваахүүд холбогдуулан шалгаж байгаа хэрэг нь 2026 оны есдүгээр сараас эхлэн холбогдуулан шалгаж байгаа мэтээр олон нийтэд мэдээлэл өгч байна. Б.Даваахүүг энэ сарын 6-нд ажлын байр дээрээ байхад нь дөрвөн албан хаагч баривчлан, хэрэгт холбогдуулан шалгаж байгаа. Эрүүгийн хэрэг үүсгэн, яллагдагчаар татсан тогтоолыг харахаар Эрүүгийн хуулийн 23.7-д заасан нийтийн албан тушаалтныг заналхийсэн гэдэг заалтад үндэслэн шалгаж байгаа.

Цагдаагийн байгууллага хэн нэгний гэм буруутай нь шүүхээр эцэслэн тогтоогдоогүй байхад гэм буруутай нь тогтоогдсон мэтээр олон нийтэд мэдээлэл өгч байгаа хүний нэр хүндэд халдсан үйлдэл болж байна" гэв.

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iШинэ мэдээ
Ш.Алтангадас: Ерөнхийлөгчийн бүрэн эрхийг УИХ-ын дарга хэрэгжүүлэх нь хуулийн практикт цоо шинэ нөхцөл үүсгэж байна 9 мин Ч.Өнөржаргал: Цагдаагийн байгууллага хүний нэр хүндэд халдаж байна 22 мин У.Хүрэлсүх эргэн ирэлт хийх үү? 2 цаг 47 мин Дээд шүүхийн “дээвэр” нурчихсан уу? 2 цаг 57 мин Ерөнхий сайд аа, АТГ, УЕПГ Таны “Ажлын алба” биш! 3 цаг 36 мин Цахилгааны 1.05 сая тоолуурын 855.1 мянгыг нь ухаалаг тоолуурт шилжүүлжээ 3 цаг 47 мин Ц.Идэрбат: Тариалан эрхлэгчдэд олгох хөнгөлөлттэй зээлийн хүртээмжийг нэмэгдүүлнэ 4 цаг 6 мин Нөмрөгийн түймрийн хохирлын үнэлгээг хуулийн байгууллагад шилжүүлжээ 4 цаг 13 мин Агаарын бохирдлыг бууруулах эрчим хүчний хэмнэлттэй, дулаан хуримтлуурын технологийг иргэдэд танилцуулна 4 цаг 24 мин Г.Ганбаатар: Засгийн газрын өр 16 тэрбум ам.долларт дөхсөн нь цаашид анхаарах ёстой маш том дохио 4 цаг 34 мин Монгол Улс ба НҮБ-ын Тогтвортой хөгжлийн хамтын ажиллагааны 2028-2032 оны хүрээг хэлэлцэв 18 цаг 1 мин “Евро-3” болон түүнээс дээш стандартын АИ-92 автобензиний үнийг 1000 хүртэл төгрөгөөр бууруулна 18 цаг 19 мин Юун Ялта, юун дэлхийг хуваах! 18 цаг 49 мин Шөнийн автобус 22:00-02:00 цагийн хооронд үйлчилж байна 18 цаг 55 мин Ж.Баярмаа: Гэмт хэрэгт холбогдсон төрийн өндөр албан тушаалтнуудаас байнга хариуцлага нэхэх нь чухал 18 цаг 59 мин Засгийн газар: Төрийн өмчит компанийн тоог 85 болгон цөөлнө 19 цаг 44 мин ТББХ Ерөнхийлөгчийн чөлөөлөгдөх хүсэлтийг дэмжлээ 19 цаг 57 мин З.Мэндсайхан: Оюу Толгойн хэлэлцээрийн баг удахгүй ирнэ Өчигдөр 10 цаг 05 мин Мэдээж “Ар нь түүз!” Өчигдөр 09 цаг 53 мин И-спорт болон оюуны спортын Азийн анхдугаар наадмыг 2027 онд зохион байгуулна Өчигдөр 09 цаг 36 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Юун Ялта, юун дэлхийг хуваах! Э.Өлзийбаяр: Намын дотоод сонгуулийг МАН-тай нийлж луйвардса... З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Д.Трамп Хятадад Ким Жөн Унтай уулзаж магадгүй гэв Цагаачд иргэдийн шинэ цуваа АНУ-ын хилийг чиглэв Энэ онд 51 байршилд 63.47 км авто замыг шинэчлээд байна “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Хятадын арбитр: Манай төрийн өмчит банкуудаас татсан зээлүүд... УИХ-ын чуулганаар 2027 оны төсвийг эцэслэн баталлаа Улаанбаатарт өдөртөө 4 хэм хүйтэн Дундаж давхаргын эсрэг хийж буй Монгол төрийн ужиг дайн
Top