Испанийн хөл бөмбөгийн “Барселона” клубийн ерөнхийлөгчөөр Жоан Лапорта гурав дахь удаагаа сонгогджээ.

Ням гарагт болсон санал хураалтын дүнг өнөөдөр өглөө танилцуулсан байна. Лапорта 32 934 санал буюу нийт сонгогчдын 68,18 хувийнх нь саналыг авчээ. Түүний өрсөлдөгч Виктор Фонт 14 385 санал /29,78 хувь/ авсан байна. 984 саналын хуудсыг хүчингүйд тооцжээ.

Өдгөө 63 настай Лапорта клубийн ерөнхийлөгчийн албан тушаалд 2021 оноос хойш ажиллаж байгаа юм. Өмнө нь тэрбээр 2003-2010 онд “Барселона”-г тэргүүлж байв. Түүнийг ерөнхийлөгчөөр ажиллах хугацаанд “Барселона” баг Испанийн аваргаар 6 удаа шалгарч, Испанийн цомыг 3 удаа хүртэж, Аваргуудын лигийн тэмцээнд 2 удаа, УЕФА-гийн Супер цомын ба клубүүдийн ДАШТ-д тус бүр нэг удаа түрүүлжээ.

Лапорта, Фонт /53 настай/ нар мөн 2021 онд “Барселона”-гийн ерөнхийлөгчийн сонгуульд өрсөлдөж байв.  

В.Фонт ялсан тохиолдолд “Барселона”-гийн ахлах дасгалжуулагч, Германы иргэн Ханси Флик тус багаас явна гэх мэдээлэл гарч байсан бол Лапорта ялснаар тэрбээр гэрээний хугацаа дуустал үргэлжлүүлэн ажиллах бололтой. 

Эх сурвалж: TASS