Сайн мэдээ
Хан-Уул дүүрэгт эзэнгүй нохой, муур асрах байр ажиллаж эхэллээ
Нийслэлийн Засаг даргын “Орчны аюулгүй байдлыг хангах арга хэмжээ зохион байгуулах тухай” болон “Эзэнгүй нохой, муурыг түр байрлуулан асрамжлах газрын ашиглалтын зардлыг шийдвэрлэх тухай” захирамжуудын хүрээнд Хан-Уул дүүргийн 13 дугаар хорооны нутаг дэвсгэрт эзэнгүй нохой, муурыг түр хугацаагаар байршуулан асрах байр байгуулж, үйл ажиллагааг нь эхлүүлээд байна.
2025-05-06
Алтай–Улиастай, Улиастай–Цагаанхайрхан чиглэлийн авто замын төсөл эхэллээ
“Бүс нутгийн авто зам хөгжүүлэх, засвар арчлалтын төсөл”-ийн хүрээнд Алтай–Улиастай чиглэлийн 178 км авто замын эхлэл хэсэг, мөн Улиастай–Цагаанхайрхан чиглэлийн 40 км хатуу хучилттай авто замын төслийн нээлт боллоо. Төслийн нээлтийн үйл ажиллагаанд Улсын Их Хурлын дарга Д.Амарбаясгалан, Зам тээврийн хөгжлийн яамны Төрийн нарийн бичгийн дарга С.Батболд, УИХ-ын гишүүн О.Амгаланбаатар, Завхан аймгийн Засаг дарга Г.Өнөрбаяр нар оролцсон байна.
2025-05-05
Говь-Алтай аймагт хатуу хучилттай авто зам, сэргээгдэх эрчим хүчний төвийн бүтээн байгуулалт эхэллээ
УИХ-ын дарга Д.Амарбаясгалан, УИХ-ын гишүүн О.Амгаланбаатар нар Говь-Алтай аймгийн Есөнбулаг, Дэлгэр сумын авто замын ажлыг албан ёсоор эхлүүллээ. Энэхүү төсөл нь улсын төсвийн хөрөнгө оруулалтаар хийгдэж байгаа бөгөөд аймгийн төв болох Алтай хотын хатуу хучилттай авто замын үргэлжлэл болох 15.6 км шинэ зам тавигдана.
2025-05-05
Өвөрхангай аймгийн БОЭТ-д “Соёмбо” нэгдэл 10 сая төгрөгийн хандив өргөн, Шуурхай удирдлагын нэгжийг тохижууллаа
Өвөрхангай аймгийн Бүсийн оношилгоо, эмчилгээний төвийн (БОЭТ) цахим бүртгэл, яаралтай тусламжийн хэсгийг нэгтгэн Шуурхай удирдлагын нэгж болгон шинэчилж, нэг цэгийн тусламж үйлчилгээг нэвтрүүлжээ. Энэхүү шинэчлэлд тус аймгаас төрөн гарсан нэртэй уран бүтээлчид, спортын алдартнууд нэгдсэн “Соёмбо” нэгдэл 10 сая төгрөгийн хандив өргөн, нийгмийн хариуцлагын хүрээнд оролцсон байна.
2025-05-05
Галт зэвсгийн гэрчилгээтэй холбоотой 14 төрлийн үйлчилгээг цахимаар аваарай
Галт зэвсгийн тухай хуулийн 9 дүгээр зүйлийн 9.1-д: Хуульд өөрөөр заагаагүй бол 21 нас хүрсэн, иргэний эрх зүйн бүрэн чадамжтай, галт зэвсэг ашиглаж гэмт хэрэг санаатай үйлдэж байгаагүй, галт зэвсэг эзэмших, ашиглах, хадгалах аюулгүй ажиллагааны сургалтад хамрагдаж гэрчилгээ авсан Монгол Улсын иргэн иргэний зориулалттай галт зэвсэг өмчилж болно гэж заасан байдаг.
2025-05-02
Нийтийн тээврийн шинэ автобусаар нисэх буудал руу зорчих боломжтой боллоо
Нийслэлийн нийтийн тээврийн парк шинэчлэлтийн хүрээнд БНХАУ-ын “Yutong Bus” компанид үйлдвэрлэсэн “ZK6117H” загварын 10 шинэ автобус ирж, “Чингис хаан” олон улсын нисэх буудлын чиглэлд нийтийн тээврийн үйлчилгээнд ашиглаж эхэллээ. Уг автобусаар Х:19 болон Х:20 чиглэлд иргэд зорчих боломжтой болсон бөгөөд тасалбарын үнэ чиглэлээс хамааран ялгаатай байна.
2025-05-02
Монгол, Тайландын иргэний нисэхийн байгууллагууд хамтран ажиллах санамж бичигт гарын үсэг зурлаа
Иргэний нисэхийн ерөнхий газрын дарга Э.Төрбаяр Тайландын Хаант улсын “Иргэний нисэхийн сургалтын төв” (CATC)-ийн захирал бөгөөд Удирдах зөвлөлийн нарийн бичгийн дарга хатагтай Пукканут Макчоую-тай Бангкок хотноо харилцан ойлголцлын санамж бичигт гарын үсэг зурлаа. Энэхүү санамж бичиг нь хоёр улсын иргэний нисэхийн салбарын хүний нөөцийн чадавхыг бэхжүүлэх, сургалт, судалгааны хамтын ажиллагааг өргөжүүлэхэд чиглэж буй юм.
2025-05-01
Толгойтын замын шинэ гүүр, авто замын эхний ээлжийн ажил дуусах шатандаа орлоо
Толгойтын замыг Ард Аюушийн өргөн чөлөөтэй холбох гүүрэн байгууламж болон таван нүхэн гарц бүхий 3.9 км авто замын бүтээн байгуулалтын ажил эрчимтэй үргэлжилж байна. Энэхүү төслийн эхний ээлжийн 2.4 км авто замыг асфальтбетон хучилтаар бүрэн хийж дуусгах шатандаа оржээ. Зорчих хэсгийн хөдөлгөөнийг 2025 оны зургаадугаар сард багтаан нээхээр төлөвлөсөн байна.
2025-05-01
48 дугаар сургуулийн “Гялбаа” хамтлаг Дэлхийн аварга боллоо
Монгол Улсын нийслэлийн ерөнхий боловсролын 48 дугаар сургуулийн “Гялбаа” хамтлагийн сурагчид Дэлхийн хөгжөөн дэмжигчдийн бүжгийн аварга шалгаруулах тэмцээнд амжилттай оролцож, эх орондоо алтан медаль, аваргын цомтой ирлээ. Тэднийг өнөөдөр сургуулийн багш, сурагчид баяр хөөртэй угтан авсан байна.
2025-05-01
Булган аймагт “Жаргалант” хүүхдийн зуслангийн хотхоны шав тавих ёслол болов
Булган аймгийн Хүүхэд, гэр бүлийн хөгжлийн газрын захиалгаар хэрэгжих “Жаргалант” зуслангийн шинэ хотхоны шав тавих ёслол зохион байгуулагдлаа. Энэхүү бүтээн байгуулалт нь 2024-2026 оны хооронд үе шаттайгаар хэрэгжих бөгөөд төсөл хэрэгжүүлэгчээр “Төсөв төсөл” ХХК шалгарч, барилгын ажлыг эхлүүлэхэд бэлэн болсон байна.
2025-05-01
Багануур-Улаанбаатарын чиглэлд парк шинэчлэл хийгдэж, шинэ автобус үйлчилгээнд гарлаа
Нийслэлийн нийтийн тээврийг хөгжүүлэх сангийн санхүүжилтээр БНХАУ-ын “Yutong Bus” компанид үйлдвэрлэсэн “ZK6117H” загварын 10 шинэ автобус худалдан авч, нийтийн тээврийн парк шинэчлэл хийгээд байна. Эдгээр автобусыг “Чингис хаан” олон улсын нисэх буудал, Багануур, Багахангай дүүргийн чиглэлд нийтийн тээврийн үйлчилгээнд ашиглах бөгөөд өнөөдрөөс эхлэн Багануур-Улаанбаатарын чиглэлд эхний ээлжийн хоёр автобус хуваарийн дагуу явж эхэллээ.
2025-04-30
БНЭУ-д шавилан суралцаж буй ламхай нарын захидлыг ар гэрийнхэнд нь хүргүүлэв
Боловсролын яамнаас БНЭУ дахь буддын дацан, хийдэд шавилан суралцаж буй Монгол Улсын хүүхэд, залуусыг бүртгэж, тэдний нөхцөл байдалтай газар дээр нь танилцжээ. Тус ажлыг Боловсролын яамны Тэгш хамран сургах боловсролын хэлтсийн дарга Г.Саранхүүгээр ахлуулсан баг зохион байгуулсан бөгөөд дацан, хийдүүдээр явж суралцагч нартай уулзан, ахуй амьдралтай нь танилцсан байна.
2025-04-29
Чингис хаан музей, Кремлийн музейтэй хамтын ажиллагаагаа эхлүүллээ
Чингис хаан Үндэсний музейн захирал С.Чулуун ОХУ-ын Кремлийн музейн ерөнхий захирал Е.Ю.Гагаринатай уулзаж, хаадын бэлгэ сэлт болон хоёр улсын түүхэн харилцааны талаарх хамтарсан судалгаа хийх талаар тохиролцжээ. Уулзалтын үеэр талууд шилдэг үзмэрүүдийн каталог, эрдэм шинжилгээний бүтээлүүдээ харилцан солилцсон байна.
2025-04-25
Төрийн үйлчилгээний нэгдсэн систем E-Mongolia-г 2 сая хүн ашиглаж байна
Монгол Улсын төрийн үйлчилгээг иргэдэд ил тод, шуурхай, хүртээмжтэй хүргэх зорилгоор Засгийн газраас 2020 оны 10 дугаар сард нэвтрүүлсэн “E-Mongolia” системийг өнөөдрийн байдлаар 2 сая иргэн ашиглаж байна.
2025-04-24
Гадаад паспорт дахин захиалахад илүү хялбар болсон
Үндэсний гадаад паспорт нь иргэн таны гадаадад зорчих, таныг Монгол Улсын иргэн мөн гэдгийг хилийн чанадад гэрчлэх үндсэн бичиг баримт юм. Жил бүр гадаад паспорт захиалах гэсэн иргэдийн хөл хөдөлгөөн Улсын бүртгэлийн ерөнхий газарт ачаалалд дарагддаг байсан цаг саяхан мэт. Харин гадаад паспорт дахин захиалах үйлчилгээ цахимжсанаар иргэдийн цаг завыг хэмнэх, ачаалал бууруулах, цаг зардал хэмнэх маш олон давуу талыг бий болгожээ. Тус үйлчилгээ цахимжсанаас хойш нийт 10627 удаа гадаад паспорт дахин захиалсан байна.
2025-04-23
“Хүйс толгойн бичиг”, “Хүний бүтэн биеийн бүртгэл бичвэр” ЮНЕСКО-гийн Дэлхийн дурсамжид бүртгэгдлээ
2025 оны дөрөвдүгээр сарын 2–17-нд Францын Парис хотноо болсон ЮНЕСКО-гийн Гүйцэтгэх зөвлөлийн 221 дүгээр чуулганаар Монгол Улсаас нэр дэвшүүлсэн “Хүйс толгойн бичиг” болон “Хүний бүтэн биеийн бүртгэл бичвэр” хэмээх хоёр баримтат өвийг Дэлхийн дурсамж хөтөлбөрийн олон улсын жагсаалтад албан ёсоор бүртгэжээ.
2025-04-23
Сонгинохайрхан дүүрэгт 500 хүний суудалтай спортын цогцолбор баригдаж байна
Сонгинохайрхан дүүргийн III хороонд орчин үеийн стандарт хангасан задгай спортын цогцолбор барих ажил эрчимтэй үргэлжилж байна. Улсын төсвийн хөрөнгөөр хэрэгжиж буй уг төслийг “Аглут” компани гүйцэтгэж байгаа бөгөөд өнөөдрийн байдлаар гүйцэтгэл 85 хувьтай байна. Спорт цогцолбор баригдаж буй газрыг 2021 онд чөлөөлжээ.
2025-04-22
Хойд туйлын мөсний хэмжээ багасжээ
Мөсөн бүрхүүлийн хэмжээ гуравдугаар сарын 20-ны өдөр 13.79 сая кв.км болжээ. Энэ нь 2017 онд бүртгэгдсэн өмнөх хамгийн бага үзүүлэлтээс 130 мянган кв.км-ээр буурснаас гадна 1979 оноос энэ талаарх мэдээллийг цуглуулж эхэлснээс хойших хамгийн доод үзүүлэлт болсон байна.
2025-04-22
Хүүхдийнхээ 7 төрлийн лавлагаа, тодорхойлолтыг И-Монголиа системээр авах боломжтой боллоо
Эцэг, эхчүүд хүүхдийнхээ нэр дээр гаргадаг дараах төрлийн лавлагаа, тодорхойлолтуудыг өмнө нь заавал биечлэн очиж авч авдаг байсан бол одоо И-Монголиа системээр цахимаар хялбархан авах боломжтой боллоо.
2025-04-21
“Хүннү Эйр” компани Е195/Е2 төрлийн шинэ онгоцоо хүлээн авлаа
“Хүннү Эйр” компани 2025 оны дөрөвдүгээр сарын 19-ний өдөр Е195/Е2 загварын шинэ агаарын хөлгийг үйлдвэрлэгчээс нь шууд хүлээн авч, Монгол Улсад авчирлаа. Энэхүү шинэ үеийн дунд оврын агаарын хөлөг нь зорчигчийн тав тух, эдийн засаг, байгаль орчинд үзүүлэх нөлөөгөөрөө олон давуу талтайгаараа онцлог юм.
2025-04-21
