Улсын хэмжээнд 18.4 сая эх мал төллөж, 18.2 сая төл бойжиж байгаа нь өнгөрсөн оны мөн үеэс 3.1 хувиар буурсан үзүүлэлт юм.

Зам тээврийн яам болон холбогдох байгууллагууд CAREC-ийн төлөөлөгчдийн хамт Багахангай-Хөшигийн хөндий-Эмээлт чиглэлийн төмөр замын бүтээн байгуулалттай газар дээр нь танилцлаа. Уг төсөл нь бүс нутгийн тээвэр, логистикийн хөгжилд стратегийн чухал ач холбогдолтой юм.

Эрчим хүчний сайд Б.Найдалаа "Эрдэнэтийн дулааны цахилгаан станц" ТӨХК-д ажиллаж, өвөлжилтийн бэлтгэл болон тулгамдаж буй асуудлуудтай танилцлаа. Тэрбээр станцын алдагдал, хүний нөөцийн дутагдлыг шийдвэрлэхийн тулд цалингийн бүтцийг өөрчлөх чиглэл өгөв.

Тэтгэврийн нөөц санд хуримтлагдсан 215.3 тэрбум төгрөгийг арилжааны дөрвөн банканд 15.11 хувийн хүүтэй хадгалуулж, хөрөнгийг 32.5 тэрбум төгрөгөөр өсгөх боломжийг бүрдүүлжээ.

Улаанбаатар хотын гол нэрийн барааны үнэ өмнөх сараас 2.0 хувиар өссөн бөгөөд үүнд махны үнийн өсөлт голлон нөлөөлсөн байна. Харин зарим жимс, хүнсний ногооны үнэ буурч, шатахууны үнэ тогтвортой гарчээ.

ХХААХҮЯ-ны удирдлагууд "NWT Holding" компанийн төлөөлөлтэй уулзаж, эрс тэс уур амьсгалд тохирсон, эрчим хүчний хэмнэлттэй дөрвөн улирлын хүлэмжийн технологийг Монголд нэвтрүүлэх талаар санал солилцов.

2026 оны зургаадугаар сарын 2-4-ний өдрүүдэд "Эрдэнэс Тавантолгой" ХК-ийн хувьцаа, түүнд хуваарилагдсан ногдол ашгийг хууль ёсны өвлөгчдөд өвлүүлэхтэй холбоотой зөвлөгөө, мэдээлэл өгөх нэгдсэн арга хэмжээг Нийслэлийн нэг цэгийн үйлчилгээний 31 төвд зохион байгуулж байна. 

"Цагаан алт" хөдөлгөөний хүрээнд ноос, арьс шир боловсруулах үйлдвэрүүд болон малчдыг дэмжих зорилгоор 85 тэрбум төгрөгийн хүүгийн хөнгөлөлттэй зээл олгох гэрээг арилжааны 5 банктай байгууллаа. Ингэснээр түүхий эдийг эдийн засгийн эргэлтэд оруулж, малчдын орлогыг нэмэгдүүлэх ач холбогдолтой юм.

Хөнгөлөлттэй зээл авах хэлэлцээрийн төслийг Австри Улсын Засгийн газраас дэмжсэнийг Сангийн яам мэдээлэв.

Казахстаны “SCAT Airlines” компанийн Астана-Улаанбаатар чиглэлийн анхны нислэг амжилттай газардсанаар тогтмол шууд нислэг албан ёсоор эхэллээ. Энэ нь хоёр улсын худалдаа, аялал жуулчлал, эдийн засгийн хамтын ажиллагааг дэмжих чухал ач холбогдолтой юм.

Засгийн газрын хуралдаанаар төрийн оролцоог багасгаж, бизнес эрхлэгчдийг дэмжих зорилготой Бизнесийн эрх чөлөөний тухай хуулийн төслийг хэлэлцэж, УИХ-д яаралтай өргөн мэдүүлэхээр шийдвэрлэлээ.

Тавантолгой ордын Бортээг хэсэгт зарласан олон улсын тендерт шалгуур хангах компани гараагүй тул "Эрдэнэс Тавантолгой" ХК менежмент хийж, үндэсний компаниуд хамтран олборлолт явуулахаар болжээ.

Бизнесийн орчныг сайжруулж, хүнд суртлыг бууруулах зорилгоор Бизнесийн эрх чөлөөний тухай болон Төр, хувийн хэвшлийн хяналтын тухай хуулийн төслүүдийг УИХ-д шуурхай өргөн мэдүүлэхийг Эдийн засаг, хөгжлийн сайд Ж.Энхбаяр үүрэг болголоо.

Өмнөговь аймгийн "Тавантолгой XXXIII" талбайд хийсэн хайгуулын үр дүнд Монгол Улсад анх удаа нүүрсний давхаргын метан хийн нөөцийг тогтоон, албан ёсоор бүртгэж авлаа. Энэ нь дотоодын эрчим хүчний эх үүсвэрийг төрөлжүүлэх, метан хийн аж үйлдвэрийн суурийг тавих түүхэн ач холбогдолтой үйл явдал болж байна.

Улаанбаатар хотын эрчим хүчний хэрэгцээг хангах ДЦС-5 төслийн судалгаа дуусаж, үндсэн тоног төхөөрөмжүүдийг захиалжээ. Уг станц ашиглалтад орсноор 100 мянган өрхийг цахилгаанаар хангаж, эрчим хүчний хараат байдлыг бууруулан эдийн засгийг дэмжих ач холбогдолтой юм.

2025 оноос эхлэн таван жилийн хугацаанд Монгол Улсын өнцөг булан бүрд ажиллаж буй ЕБС-ийн багш нарыг чадавхжуулан хиймэл оюуны 2,500 хүний нөөц бэлтгэх юм. Жил бүр хиймэл оюуны 500 багш бэлтгэх бөгөөд 2026 оны хөтөлбөрийг Голомт банкны дэмжлэгтэйгээр зохион байгууллаа.

Нийгмийн даатгалын байгууллага Капитал болон Чингис хаан банкнаас авах 79.5 тэрбум төгрөгийн өрийг хууль хяналтын байгууллагатай хамтран төлүүлээд байна.

Сэлэнгэ аймгийн Сүхбаатар суманд 148 сая ам.долларын хөрөнгө оруулалтаар 70 МВт-ын хүчин чадалтай дулааны цахилгаан станц баригдаж байна. Уг станцын эхний блокийг ирэх наймдугаар сард эрчим хүчний системд холбохоор төлөвлөжээ.

Голомт банкаар цалингаа авдаг харилцагчдад Si кредит картыг хялбаршуулсан нөхцөлөөр олгох болсон бөгөөд үүнтэй холбогдуулан нийт Si кредит картад үйлчлэх буцаан олголттой урамшууллыг 2026.06.01-2026.06.30-ны хооронд зарлаж байна.

Галлагаа эхлэхтэй зэрэгцэн ЧД-ийн 17, 22 дугаар хорооны нутаг дэвсгэрт оршин суудаг өрхүүдэд туршилтаар эрчим хүчний хэмнэлттэй дулааны насос төхөөрөмжүүдийг суурилуулж, айл өрхүүд одоогоор 7 сарын хугацаанд ашиглаад байна. Хоёр улирал дамнан хэрэгжсэн энэхүү ажлын түүврийн судалгаанд 300 өрхөөс түүврийн аргаар монгол гэрийн бүрэн дулаалгатай 150 өрх 2026 оны 4-р сард хамрагджээ. Үр дүнгийн судалгаагаар 86.2 хувь нь гэрийн доторх агаарын чанар сайжирсан, 89.7 хувь нь утаа, тортог, үнэр багассан, 93.1 хувь нь өдөр тутам гал түлэх, үнс гаргах, нүүрс зөөхөд зарцуулдаг цагийг бууруулсан гэж хариулсан байна.