Монгол Улсын Ерөнхий сайд Г.Занданшатар болон Монголбанкны Ерөнхийлөгч Б.Лхагвасүрэн нар ахмадуудын тэтгэврийн зээлд ямар нэгэн хязгаарлалт тавихгүй байх чиглэлд санал нэгдлээ. Сүүлийн үед ахмад настнууд тэтгэврийн зээлийг 50\50 буюу өр орлогын харьцаагаар хязгаарласан зохицуулалтыг эсэргүүцэж, хэрэглээний зээлийн нийтлэг хязгаарлалтаас тэтгэврийн зээлийг гаргах хүсэлтэй байгаагаа илэрхийлсэн юм. Тэдний энэ шаардлагыг харгалзан үзэж, шийдвэрлэх боломжтой гэж талууд үзсэн байна.

Нөөцийн махны өргөтгөсөн худалдаа нь 8 дүүргийн 36 байршилд хямдралтай үнээр борлуулагдана. 

Нийслэлийн ИТХ-ын дарга А.Баяр, Нийслэлийн Засаг даргын Нийгмийн салбар, ногоон хөгжил болон агаар, орчны бохирдлын асуудал хариуцсан орлогч А.Амартүвшин нар Азийн Хөгжлийн Банкны Эрчим хүчний салбарын бүтээгдэхүүн хөгжүүлэлтийн газрын захирал Синди Киснерос-Тиангко тэргүүтэй албаны төлөөлөгчдийг хүлээн авч уулзлаа. Энэ үеэр Улаанбаатар хотын гэр хорооллын бүсэд сэргээгдэх эрчим хүч, тэр дундаа нарны эрчим хүчийг нэвтрүүлэх чиглэлээр талууд санал солилцсон байна.

Өнөөдөр буюу 2025 оны зургаадугаар сарын 25-ны өдөр “Монголын хөрөнгийн бирж” ХК-ийн “MSE Hall”-д “Омни ассет II ТЗК” ХХК-аас олон нийтэд санал болгон гаргаж буй хөрөнгөөр баталгаажсан үнэт цаас (ХБҮЦ)-ны анхдагч зах зээлийн арилжааг нээх цан цохих ёслол боллоо.

Улсын Их Хурлын Байгаль орчин, хүнс, хөдөө аж ахуйн байнгын хорооны зургаадугаар сарын 24-ний хуралдаанаар хаврын тариалалтын урьдчилсан дүн мэдээний талаар ХХААХҮ-ийн сайд Ж.Энхбаяр мэдээлэл хийлээ.

Дэлхийн хөрөнгийн зах зээлд компаниудыг олон нийтэд нээлттэй арилжаалах IPO үйл ажиллагаа эрс удааширч, сүүлийн есөн жилийн доод хэмжээнд хүрээд байна. 2025 оны эхнээс зургаадугаар сарын 17 хүртэлх хугацаанд нийт IPO-оос олсон хөрөнгө 44.3 тэрбум ам.долларт хүрч, өнгөрсөн жилийнхээс 9.3 хувиар буурсан үзүүлэлт гарсан талаар Reuters мэдээлжээ.

Нийслэлийн хүн амын хүнсний хэрэгцээг тогтвортой хангах, махны хангамжийг сайжруулах, үнийн хөөрөлтийг тогтворжуулах зорилгоор 2025 оны зургаадугаар сарын 21-27-ны өдрүүдэд Улаанбаатар хотын 8 дүүргийн 36 байршилд нөөцийн махны өргөтгөсөн худалдаа зохион байгуулж байна.

Монгол Улсын 2024 оны төсвийн гүйцэтгэлийг батлах тухай УИХ-ын тогтоолын төслийг энэ сарын 19-нд Сангийн сайд Б.Жавхлан УИХ-ын дарга Д.Амарбаясгаланд өргөн мэдүүлжээ.

Гэр бүл, хөдөлмөр, нийгмийн хамгааллын яам (ГХНХЯ) болон Монгол дахь НҮБ-ын Хүн амын Сан хамтран "Эрх тэгш байдал, тэгш оролцоог эрчимжүүлэх нь: Монгол Улсын үе хоорондын ба жендэрт тулгуурласан эдийн засгийн асуудал" сэдвээр хэлэлцүүлэг зохион байгуулжээ.

Азийн Хөгжлийн Банк (АХБ) энэ онд Монгол төгрөгийн бондыг хоёр дахь удаагаа амжилттай гаргаж, ойролцоогоор 15.6 сая ам.доллартай тэнцэх хэмжээний хөрөнгийг татан төвлөрүүллээ. Энэхүү хөрөнгө нь Монгол Улсын сүү, сүүн бүтээгдэхүүний салбарын тогтвортой хөгжлийг дэмжихэд чиглэгдэх юм.

Нийслэлийн Статистикийн газраас махны үнийн мэдээллийг танилцууллаа. Тодруулбал, 2025 оны 06 дугаар сарын 16-ны өдрийн байдлаар хонины ястай мах нэг килограмм нь дунджаар 17080 төгрөгөөр худалдаалагдаж байна. Үхрийн ястай мах нэг килограмм нь дунджаар 21548 төгрөгийн үнэтэй байна.

Монгол Улс оны эхний таван сарын байдлаар дэлхийн 142 улстай худалдаа хийсэн нь эдийн засгийн идэвхтэй харилцааг харуулж байна. Энэ хугацаанд гадаад худалдааны бараа эргэлт нийт 10 тэрбум ам.долларт хүрсэн бөгөөд үүнээс экспорт 5.4 тэрбум ам.доллар, импорт 4.5 тэрбум ам.доллар болж, худалдааны тэнцэл 884.5 сая ам.долларын ашигтай гарчээ.

Европын Комисс (ЕК) Оросын нефтийн үнийн дээд хязгаарыг шинээр тогтоох гэж байгаа нь Европын Холбооны Оросын эсрэг хоригийн 18 дахь багцад баррель нефтийн үнийг 45 ам.доллар болгохоор тусгагдсан байна. Энхийн хэлэлцээр зогсонги байдалд орсон тул Орост шахалт үзүүлэх зорилгоор энэхүү шинэ хоригийг бэлтгэжээ. Гэсэн хэдий ч энэ нь хүлээгдэж буй үр дүнд хүргэх эсэх асуудал олон улсын шинжээчдийн дунд нээлттэй хэвээр байна.

Хятад улсын төв хэсэгт байрлах, 20 гаруй сая хүн амтай Ухань хот нь өнөөдөр тус улсын бизнес, эдийн засаг, аялал жуулчлалын голлох төвүүдийн нэг болон хөгжиж байна. Жилээс жилд гадаад, дотоодын хөрөнгө оруулагчид болон аялагчдын тоо нэмэгдэж буй нь Уханийн эдийн засагт томоохон түлхэц өгчээ. Үүний зэрэгцээ Хятадын төрийн өмчит байгууллагууд Уханьд “Хил дамнасан цахим худалдаа, аж үйлдвэрийн парк” байгуулж, олон улсын ачаа тээврийн зориулалттай онгоцны буудал болон цахим худалдааны цогц бүтээн байгуулалтыг үе шаттайгаар хэрэгжүүлж байна.

Улаанбаатар хотод энэ сарын 17-нд Эдийн засгийн бодлого, өрсөлдөх чадварын судалгааны төвөөс мэдээлснээр, Монгол Улс 2025 оны дэлхийн өрсөлдөх чадварын тайланд хамрагдсан 69 улсын дунд 65 дугаар байрт жагсжээ. Манай улс нийт 100 онооноос 40 оноо авч, өмнөх оныхоос таван оноогоор буурсан нь дөрвөн байр ухрах шалтгаан болжээ.

Үндэсний статистикийн хорооноос танилцуулсан 2025 оны тавдугаар сарын орон сууцны үнийн индексийн тайланд дурдсанаар, орон сууцны нийт үнэ өнгөрсөн оны мөн үетэй харьцуулахад 14.3 хувиар, харин өмнөх сараас 1 хувиар өссөн үзүүлэлттэй байна. Энэ нь сүүлийн нэг жилийн хугацаанд орон сууцны үнэ тогтвортой өсөлттэй байсныг илтгэж байна.

Нийгмийн даатгалын шимтгэлийн 2025 оны нэгдүгээр улиралд нийт 53.7 мянган аж ахуйн нэгж, байгууллага (ААНБ)-аас 811.6 мянган ажиллагч хамрагджээ. Энэ нь өмнөх оны мөн үетэй харьцуулахад шимтгэл төлсөн ААНБ 4400-аар, ажиллагчид 58.2 мянгаар нэмэгдсэн үзүүлэлт юм.

Монгол Улс 2025 оны тариалалтын жилд нийт 650.1 мянган га талбайд тариалалт хийхээр төлөвлөж, улаанбуудайн 310.1 мянган га, төмсний 17.1 мянган га, хүнсний ногооны 16.5 мянган га, малын тэжээлийн 144.1 мянган га, тосны ургамлын 103.7 мянган га, жимс жимсгэнэ 7.9 мянган га талбайд тус тус тариална гэсэн зорилго тавиад байна.

Улаанбаатар хот 2024 онд нийтийн тээврийн салбарт цогц шинэчлэл хийсний үр дүнд нийтийн тээврийн орлого түүхэндээ анх удаа огцом өсөлттэй гарлаа. Тодруулбал, нийтийн тээврээр зорчих иргэдийн тоо, зорчилтын давтамж нэмэгдэж, зохион байгуулалт, хяналт сайжирснаар 2025 оны эхний таван сарын байдлаар нийт орлого 22 тэрбум төгрөгөөс давсан байна.

Монгол Улсын Ерөнхийлөгч, Зэвсэгт хүчний Ерөнхий командлагчийн ивээл дор “Даян дэлхийн энх тайван, тогтвортой хөгжилд төр, хувийн хэвшлийн оролцоо” сэдэвт олон улсын санаачилга уулзалт Зэвсэгт хүчний сургалтын нэгдсэн төвд зохион байгуулагдаж байна. Энэхүү уулзалт нь “Хааны эрэлд-2025” энхийг дэмжих ажиллагааны олон улсын сургуулийн хүрээнд болж буйгаараа онцлог бөгөөд цэргийн алба хаагчид болон үндэсний үйлдвэрлэл, олон улсын хамтын ажиллагааны холбогч гүүр болж байна.