Эдийн засаг
Улаанбаатар метро төслийн тендерийн нэгдүгээр шат нээгдлээ
Нийслэл хотод хэрэгжүүлэх их багтаамжийн нийтийн тээврийн хэрэгсэл болох метро барих төслийн барилга угсралтын гүйцэтгэгчийг сонгон шалгаруулах нэгдүгээр шатны тендерийг энэ сарын 28-нд нээлээ. Тендерт Монгол, Солонгос, Англи, ОХУ, Франц, Энэтхэг, Хятад улсын нийт 27 аж ахуйн нэгж материалаа ирүүлсэн байна. Хуулийн дагуу дараагийн шатны тендерийг тавдугаар сарын 5-нд зарлахаар төлөвлөжээ.
2025-04-29
Хөвсгөл аймагт ноолуурын үнэ хамгийн өндөр байна
Хөвсгөл аймагт нэг килограмм ноолуурын үнэ өнөөдрийн байдлаар 142,000 төгрөгт хүрээд байна. Худалдан авч буй иргэдийн мэдээлснээр ноолуурын үнэ улсын хэмжээнд хамгийн өндөрт тооцогдож байгаа ажээ.
2025-04-28
Газар тариалангийн салбарт ажиллаж буй 11 мянган иргэний хөдөлмөрийн аюулгүй байдал хангагдаагүй байна
Монгол Улсад газар тариалангийн салбарт 11 мянга орчим иргэн ажиллаж байгаа ч хөдөлмөрийн аюулгүй байдал, эрүүл ахуйн нөхцөл хангалтгүй хэвээр байна. Тухайлбал, Ховд аймагт 3200 гаруй иргэн газар тариалан эрхэлдэг бөгөөд мэргэжлийн боловсон хүчний хомсдолоос үүдэн ургамал хамгааллын химийн бодисыг зохих зааваргүй, хамгаалах хувцасгүй хэрэглэж, эрүүл мэндэдээ ноцтой эрсдэл учруулах тохиолдол нэмэгдэж байна.
2025-04-25
Гашуунсухайт-Ганцмодын хил дамнасан төмөр замын бүтээн байгуулалт тавдугаар сард эхэлнэ
Засгийн газрын өнөөдрийн хуралдаанд Зам, тээврийн хөгжлийн сайд Б.Дэлгэрсайхан Гашуунсухайт-Ганцмод боомтын хил дамнасан төмөр замын бүтээн байгуулалтын явцын талаар танилцуулга хийлээ. Танилцуулгатай холбогдуулан Ерөнхий сайд Л.Оюун-Эрдэнэ тус төслийн ажлыг 2025 оны тавдугаар сарын 14-ний дотор эхлүүлэх, төлөвлөгөө гарган хэрэгжүүлэх үүргийг холбогдох байгууллагуудад өгчээ.
2025-04-23
Ноолуур бэлтгэлийн санхүүжилтэд вексель гаргаж, малчдын орлогыг дэмжинэ
Засгийн газрын Хэвлэл мэдээлэл, олон нийттэй харилцах газраас мэдээлснээр, 2025 онд улсын хэмжээнд ноолуур бэлтгэхэд шаардлагатай нэмэлт санхүүжилтийг вексель гарган бүрдүүлэх шийдвэрийг гаргалаа. Энэхүү алхам нь малчдын мөнгөн орлогыг тогтвортой байлгах, дотоодын ноолуурын үйлдвэрлэл, экспортын хэмжээг нэмэгдүүлэх зорилготой юм.
2025-04-23
Алтны үнэ шинэ дээд түвшинд хүрэв: Худалдааны зөрчлөөс үүдэн хөрөнгө оруулагчид эрсдэлгүй активт шилжиж байна
Дэлхийн худалдаанд үүссэн тодорхойгүй байдал, АНУ, БНХАУ-ын хооронд хурцадсан худалдааны зөрчлийн улмаас алтны үнэ даваа гарагт 3405.19 ам.доллар хүрч, түүхэн дээд түвшинд дахин хүрлээ. Унц алтны үнэ энэ өдөр 2.3 хувиар өссөн бөгөөд хөрөнгө оруулагчид уламжлалт эрсдэл багатай хөрөнгөд хандах хандлага нэмэгдэж байгаа нь үүнд нөлөөлжээ.
2025-04-22
Монгол Улс “Тогтвортой Уул Уурхайн Төлөө” стандартыг хэрэгжүүлэгч 13 дахь орон боллоо
Монгол Улс олон улсын хэмжээнд хүлээн зөвшөөрөгдсөн “Тогтвортой Уул Уурхайн Төлөө” (TУУТ) стандартыг албан ёсоор нэвтрүүлж, энэхүү хариуцлагатай уул уурхайн үзэл баримтлалыг хэрэгжүүлэгч 13 дахь улс болж байгаа талаар холбогдох байгууллагууд мэдээллээ.
2025-04-22
Туулын хурдны замын гүйцэтгэгчийг шалгаруулах тендерийг дахин зарлалаа
Нийслэлийн авто замын сүлжээг өргөтгөж, хөдөлгөөний түгжрэлийг бууруулах зорилготой Туулын хурдны замын төслийн гүйцэтгэгчийг сонгох олон улсын нээлттэй тендерийг дахин зарлаж байна. Тендерийг анх энэ оны нэгдүгээр сарын 27-нд зарласан ч оролцогчид шаардлага хангаагүй тул дахин зарлах шийдвэр гаргасан талаар холбогдох албаныхан мэдээллээ.
2025-04-22
ТЭЦ-5 станцыг Баянгол дүүрэгт барьж, 51 мянган айлыг дулаанаар хангана
Улаанбаатар хотын эрчим хүчний найдвартай эх үүсвэрийг нэмэгдүүлэх зорилгоор Баянгол дүүргийн ХХ хороонд 340 Гкал дулаан, 300 МВт цахилгаан үйлдвэрлэх хүчин чадалтай ТЭЦ-5 дулааны цахилгаан станцыг барихаар болжээ. Энэхүү бүтээн байгуулалтад зориулан таван га талбайг чөлөөлж, нийт 15 га талбайд төслийг хэрэгжүүлэхээр болсон байна.
2025-04-21
Швейцар цагны АНУ руу хийсэн экспорт татварын өмнөх нөөцлөлтийн улмаас 14 хувиар өсжээ
АНУ-ын Ерөнхийлөгч Дональд Трампын дэлхийн бараанд ногдуулах шинэ тарифын шийдвэрийн өмнө Америкийн жижиглэн худалдаачид швейцар цагнуудаа их хэмжээгээр нөөцөлсөн нь гуравдугаар сард Швейцарын АНУ руу хийсэн экспорт 13.7 хувиар өсөхөд шууд нөлөөлсөн байж болзошгүй хэмээн шинжээчид дүгнэж байна.
2025-04-18
Туркийн Төв банк бодлогын хүүгээ 46 хувь болгон нэмэгдүүллээ
Туркийн Төв банк инфляцыг хязгаарлах, үндэсний валют болох турк лирийн ханшийг тогтворжуулах зорилгоор бодлогын хүүгээ 42.5 хувиас 46 хувьд хүргэн нэмэгдүүлснээ зарлалаа. Энэ нь тус улсын мөнгөний хатуу бодлого үргэлжилж байгааг илтгэх тодорхой дохио болсон бөгөөд шинжээчдийн үзэж байгаагаар уг алхам нь зах зээлийн итгэлийг сэргээхэд чиглэжээ.
2025-04-18
“Эмэгтэй бизнес эрхлэгчдийн санхүүгийн код” хөтөлбөр Монголд хэрэгжиж эхэллээ
УИХ-ын даргын ивээл дор зохион байгуулсан “Эмэгтэй бизнес эрхлэгчдийн санхүүгийн код” хөтөлбөрийн нээлтийн арга хэмжээ өнөөдөр Төрийн ордонд болж өндөрлөлөө. Уг хөтөлбөр нь эмэгтэйчүүдийн эдийн засгийн оролцоог нэмэгдүүлэх, зээл, хөрөнгө оруулалтад хамрагдах боломж, хүртээмжийг сайжруулах зорилготой бөгөөд дэлхийн 30 гаруй улсад амжилттай хэрэгжиж буй санаачилга юм.
2025-04-16
Аж үйлдвэрийн үйлдвэрлэл 7.9 их наяд төгрөгт хүрч, 17 хувиар өсөв
Монгол Улсын аж үйлдвэрийн салбарын үйлдвэрлэл 2025 оны эхний улирлын урьдчилсан дүнгээр 7.9 их наяд төгрөгт хүрч, өмнөх оны мөн үеийнхээс 1.1 их наяд төгрөгөөр буюу 17 хувиар нэмэгдсэн үзүүлэлттэй гарлаа. Үйлдвэрлэлийн өсөлтөд уул уурхай, олборлолтын салбар, цахилгаан, хий, уур, агааржуулалтын салбар голлон нөлөөлсөн байна.
2025-04-16
Гуравдугаар сарын худалдааны тэнцэл ашигтай гарлаа
Монгол Улс 2025 оны эхний гурван сард нийт 128 улстай худалдаа хийж, экспорт 3 тэрбум ам.доллар, импорт 2.5 тэрбум ам.долларт хүрснээр 465.1 сая ам.долларын ашигтай тэнцэл бүрдүүлжээ. Энэ талаар Үндэсний статистикийн хороо мэдээлсэн байна.
2025-04-15
Нүүрс тээвэрлэж буй компаниудад төлөвлөгөөт бус шалгалт хийнэ
Зам, тээврийн хөгжлийн яамнаас хилийн боомтоор нүүрс тээвэрлэж буй аж ахуйн нэгжүүдийн үйл ажиллагаанд энэ сарын 14-25-ны өдрүүдэд төлөвлөгөөт бус хяналт шалгалт хийж эхэлжээ.
2025-04-14
ТОП-100 хөрөнгийн зах зээлээс санхүүжилт татах орчин бүрдлээ
ТОП-100 аж ахуйн нэгжээр шалгарсан компанид нийтэд санал болгон анх удаа хувьцаа /IPO/ гаргахад хөрөнгийн үнэлгээ хийлгэхийг шаардахгүй, нэг жилийн хугацаатай 5 тэрбум төгрөг хүртэлх үнийн дүн бүхий бонд гаргахад барьцаа, батлан даалт, андеррайтертай гэрээ байгуулахыг шаардахгүй, мөн нийтэд санал болгон гаргаж буй хувьцааг бүртгүүлэх хүсэлтийг СЗХ ажлын 10 хоногт шийдэх зохицуулалтыг журамд шинээр тусгажээ.
2025-04-13
Орон сууцны үнэ өнгөрсөн оныхоос нэмэгджээ
Хуучин орон сууцны нэг метр квадрат талбайн дундаж үнэ 4.49 сая төгрөг болж, Сүхбаатар дүүрэгт хамгийн их буюу 5.63 сая төгрөгийн үнэтэй байв. Үнийг өмнөх оны мөн үеийнхтэй харьцуулахад Чингэлтэй дүүрэгт 37 хувь (1486 .4мянган төгрөг)-аар нэмэгдсэн нь хамгийн их, Хан-Уулдүүрэгт 16.3 хувь ( 676.4мянган төгрөг)-аар нэмэгдсэн нь хамгийн бага байна.
2025-04-13
Алтны үнэ 3200 ам.доллароос давлаа
Д.Трампыг татвар нэмэгдүүлэх шийдвэр гаргах бүрт Хятад улс хариу татварыг нэмэгдүүлсээр байгаа бөгөөд АНУ-ын бараанд ногдуулах татвараа 84 хувиас дээш өсгөж магадгүй гэсэн болгоомжлолыг төрүүлээд байна. “Capital.com”-ын санхүүгийн зах зээлийн шинжээч Кайл Родда хэлэхдээ, 3500 ам.доллар бол алтны дараагийн үнэ гэсэн байна.
2025-04-13
Алтны ханш түүхэн дээд хэмжээнд хүрч, 3219 ам.долларт хүрэв
Худалдааны дайны нөхцөл байдал улам даамжирч, хөрөнгө оруулагчид эрсдэл багатай хөрөнгө рүү тэмүүлж буй энэ үед нэг унц алтны ханш 3219.73 ам.долларт хүрч, түүхэн дээд үзүүлэлт тогтоолоо. Энэ нь зөвхөн энэ долоо хоногт 5 гаруй хувийн өсөлттэй гарсан дүн юм. Үүний гол шалтгаан нь ам.долларын ханш огцом суларч буйтай холбоотой гэж “Tastylive” фирмийн шинжээч Илья Спивак тайлбарлав.
2025-04-11
2025 оны хаврын тариалалтын бэлтгэл ажил 655 мянга гаруй га талбайг хамарна
УИХ-ын Байгаль орчин, хүнс, хөдөө аж ахуйн байнгын хорооны энэ сарын 8-ны өдрийн хуралдаанд ХХААХҮ-ийн сайд Ж.Энхбаяр “Хаврын тариалалтын бэлтгэл ажил”-ын талаар дэлгэрэнгүй мэдээлэл өглөө.
2025-04-09
