Өөр одноос ирж буй сүүлт одны сүүл нь уртсаж байгааг дуран авайгаар хийсэн ажиглалтаар тогтоожээ. 

Японы Bandai Namco компаниас танилцуулсан мэдээллээр, алдарт Tamagotchi виртуаль амьтны нийт борлуулалт дэлхий даяар 100 сая гаруй төхөөрөмжт хүрсэн байна.

Rolls-Royce компани цахилгаан Spectre купены Primavera нэртэй, тоорын цэцэглэлтийн сэдэвтэй гурван ширхэг хязгаарлагдмал загварын цувралаа танилцууллаа.

Nike брэндийг үндэслэгчдийн нэг Фил Найт эхнэр Пеннитэйгээ хамт Орегоны Эрүүл мэнд, шинжлэх ухааны их сургуульд $2 тэрбумын буяны хандив өргөжээ. Энэ тухай The Wall Street Journal мэдээлэв.

Lamborghini компани ердөө 29 ширхэгээр үйлдвэрлэх Fenomeno нэртэй хибрид спорткар-аа олон нийтэд танилцуулжээ. Нэг бүрийн үнэ нь €3 сая еврогийн үнэтэй байх бөгөөд энэ нь суперкарын ертөнцөд хамгийн өндөр үнэтэй загваруудын нэг болж байна.

Хятадын блогчин, Чунъюанийн инженер Син Чилэй өөрийн муурнуудад зориулан ажиллагаатай мини метро станц бүтээжээ. Төсөлд хөдөлгөөнт шат, нэг чиглэлийн замтай галт тэрэг, жолоочийн кабин, бариул бүхий суудлууд хүртэл багтсан байна. Тэрээр энэ санаагаа хэрэгжүүлэхэд дөрвөн сар зарцуулжээ.

Мэдээлэлд дурдсанаар, 23 настай Эмили гэх эмэгтэй эцэг эх нь эрүүл мэндийн салбарт ажилладаг учраас наранд шарах эрсдэлийн талаар сайн мэддэг ч, өсвөр насныхаа ихэнхийг цар тахал, дайн, уур амьсгалын өөрчлөлтийн үеэр өнгөрөөсөн тул шарлагын аюул нь өөрт нь бага эрсдэлтэй мэт санагддаг гэж хэлсэн байна. “Юунаас ч үхэл ирнэ” хэмээн тэр ярьжээ.

Өмнө нь сансарт зөвхөн дрожжийг өсгөж байсан бол энэ удаа хөрөнгийг бүрэн исгэн, жингүйдэл болон сансрын туяаны нөлөө шар айрагны исгэлтэд хэрхэн нөлөөлөхийг судлах юм. Исгэлт дууссаны дараа бүтээгдэхүүнийг дэлхийд буцаан авчирч, химийн болон мэдрэхүйн нарийвчилсан шинжилгээ хийхээр төлөвлөжээ.

Шинжээч Шон Монаханын хэлснээр, 2013 оноос хойш «нормкор» гэх энгийн, бараг л “үл үзэгдэх” хувцаслалтыг илэрхийлж ирсэн чиг хандлага хүчээ авсан ч одоо түүний оронд илүү тансаг, илүү чимээ шуугиантай, өнгө дүр төрхөөрөө шууд нүдэнд тусах boom boom гэж нэрлэгдэх шинэ гоо зүй хүч түрэн орж ирж байна. Энэ нь зөвхөн загварын салбарт бус, бидний эргэн тойрны нийгмийн хандлага, амьдралын хэв маягт ч нөлөөлөхөөр болжээ.

Бидний хуруу, хөлийн улны арьс хэдхэн минут усанд байхад үрчийж, гандсан үзэмжтэй болдог ч энэ үзэгдэл зүгээр нэг санамсаргүй зүйл биш гэдгийг судлаачид тогтоожээ. Хамгийн сонирхолтой нь, арьсны энэ өөрчлөлт нь зөвхөн хуруу, хөлийн үзүүрт ажиглагддаг бөгөөд гар, хөлнөөс бусад биеийн хэсэг үрчлээтдэггүй байна.

БНХАУ-ын Өвөр Монголын Улаан хад хотын Онниуд хошуунд орших Хаш лууны элсэн нуурын аялал жуулчлалын бүс нь байгаль орчны нөхөн сэргээлт болон соёлын өвийг хослуулсан шинэ загварын аялал жуулчлалыг амжилттай хөгжүүлж буй жишээ болж байна. Шар мөрөн болон Нигун голын уулзвар, Хорчины элсний баруун хэсэгт байрлах энэ бүс нутгийн 40 гаруй хувь нь хуурай, гандуу уур амьсгалтай, элсэрхэг хөрстэй байсан ч Хятадын Засгийн газрын ногооруулах бодлогын хүрээнд 100 гаруй км үргэлжилсэн элсэн цөлд мод тарих, ургамалжуулах ажлыг эрчимтэй хийснээр экосистемийн тэнцвэрийг тодорхой хэмжээнд сэргээж чаджээ.

Сүүлийн үед аяллын бэлтгэлд зөвхөн чемодан баглах бус, хайртай тоглоомоо даатгуулах шаардлага ч нэмэгдэж байна. Ялангуяа Лабубу тоглоомын эзэд гадаад, дотоодоор явахдаа уг тоглоомыг хулгайд алдах вий гэхээс эмээж, тусгайлан даатгуулдаг болсон тухай New York Post сонин мэдээлжээ.

Хятадын “Yongle International Auction” төвөөс энэ долоо хоногт зохион байгуулсан дуудлага худалдаагаар 131 см хэмжээтэй хүн шиг том “Лабубу” хүүхэлдэй 1.08 сая юаниар буюу 150,324 ам.доллараар зарагдсан талаар мэдээлжээ. Энэ нь ийм төрлийн тоглоомын хувьд дэлхийд тогтоогдсон хамгийн өндөр үнэ болохыг зохион байгуулагчид онцолсон байна.

Дэлхийд алдартай Sotheby’s дуудлага худалдааны ордон зөвхөн уран зураг бус, ховор дарс, автомашин, үнэт эдлэл, загварын тансаг хэрэглээний эд зүйлсийг арилжаалдгаараа алдартай. Тус ордон энэ удаа Hermès брендийн анхны Birkin загварын цүнхийг дуудлага худалдаагаар худалдахаар болжээ. Энэхүү цүнх нь жүжигчин, дуучин Жейн Биркиний

Хэр хурдан алхаж чадаж байна вэ гэдэг нь ердөө нэгэн энгийн хөдөлгөөн мэт санагдаж болох ч энэ нь таны бие, оюуны чадамж, цаашлаад тархи болон биеийн хөгшрөлтийн явцыг илтгэдэг чухал үзүүлэлт болохыг судалгаанууд харуулж байна.

Монгол Улсад үндэсний мөнгөн тэмдэгт “төгрөг”-ийг гүйлгээнд гаргасны 100 жилийн ойн хүрээнд Монголбанкнаас түүхэн ач холбогдол бүхий “1 төгрөг” дурсгалын зоосыг алт, мөнгөөр цутган худалдаанд гаргалаа. Энэхүү дурсгалын зоос нь 1925 оны арванхоёрдугаар сарын 9-нд гүйлгээнд гарч байсан 18 грамм жинтэй, 900 сорьцтой мөнгөн “1 төгрөг” зоосны түүхэн дүр төрхийг орчин үеийн өндөр технологитой хослуулан бүтээсэн онцлогтой.

Нохойгоо салхилуулж явахдаа гудамж талбайд хаягдсан нэг удаагийн электрон тамхины хогийг анзаарсан Шотландын иргэн Лаура Янгийн санаачилга гуравхан жилийн дотор улс даяар хэрэгжих хуульд хүрсэн нь олон нийтийн оролцоо бодит өөрчлөлт авчирч болдгийн нэг тод жишээ болж байна.

Их Британид 10 сая гаруй хүнийг зовоодог мигрень бол жирийн толгойн өвдөлт биш. Түүний улмаас хүмүүс ажилгүй болж, амьдралын чанар нь эрс мууддаг. Тиймээс "мигренийг дардаг ид шидийн арга" гарч ирэх бүрт хүмүүс туршиж үздэг.

Хятадын шүхэрчин, 55 настай Пэн Южиан 2025 оны тавдугаар сарын 24-нд баруун хойд нутгийн Чилиан уулсын дээгүүр шинэ төрлийн шүхэр туршиж байх үед ховор агаар мандлын үзэгдэлтэй таарчээ. “Үүл рүү сорогдох” гэж нэрлэгддэг хүчтэй дээш чиглэсэн агаарын урсгал түүнийг 8500 метрийн өндөрт хүртэл хөөргөсөн байна. Энэ нь дэлхийн дээвэр гэгддэг Эверестийн оргил (8849 м)-д бараг дөхсөн үзүүлэлт бөгөөд шүхэртэй хүн ийм өндөрт гарсан нь туйлын ховор тохиолдол юм.

Алдарт модель, дуучин Жастин Биберийн эхнэр Хейли Бибер өөрийн үүсгэн байгуулсан Rhode нэртэй гоо сайхны брендээ $1 тэрбумын үнэлгээгээр зарах гэрээ байгуулсан талаар Harper’s Bazaar сэтгүүл мэдээлжээ. Наймаа АНУ-ын гоо сайхны томоохон үйлдвэрлэгч e.l.f. Beauty компанитай хийгдсэн бөгөөд Хейли уг наймааны үр дүнд 600 сая ам.долларыг бэлнээр, 200 саяыг хувьцаагаар, цаашид брендын борлуулалт өсвөл нэмэлтээр дахиад 200 саяыг авах нөхцөлтэйгээр хэлцэл байгуулжээ.