Nike брэндийг үндэслэгчдийн нэг Фил Найт эхнэр Пеннитэйгээ хамт Орегоны Эрүүл мэнд, шинжлэх ухааны их сургуульд $2 тэрбумын буяны хандив өргөжээ. Энэ тухай The Wall Street Journal мэдээлэв.

Энэхүү хандив нь АНУ-ын түүхэнд их сургуульд өгсөн хамгийн том нэг удаагийн буяны дэмжлэг болж байгаа бөгөөд өмнөх рекордыг 2018 онд Майкл Блумберг Жонс Хопкинсийн их сургуульд өгсөн $1,8 тэрбумын хандив тогтоож байв.

Knight-ийн гэр бүлийн хандив нь 10 жилийн турш хэсэгчлэн шилжүүлэгдэх бөгөөд үүний үр дүнд Орегоны их сургуулийн харьяа Найтын хорт хавдрын институт бие даасан салбар болон өргөжиж, өөрийн удирдлагын зөвлөлтэй болох юм.

Шинэ институтийн зорилго нь дэлхийн шилдэг мэргэжилтнүүдийг татан ажиллуулах, өрсөлдөхүйц цалин хөлсөөр урамшуулах, мөн оншилгооноос эхлээд эмчилгээ хүртэл үйлчлүүлэгч бүрт иж бүрэн үйлчилгээ үзүүлэх систем бий болгоход чиглэж байна.

Мөн өмнө нь цусны цагаан бөөмийн эмчилгээний хувьсгалт нээлт хийсэн доктор Брайан Друкер уг институтийг ахин удирдахаар болсон нь хандивын нэг чухал үр дүн гэж тэмдэглэжээ.

Эх сурвалж: Officelife.media