Lamborghini компани ердөө 29 ширхэгээр үйлдвэрлэх Fenomeno нэртэй хибрид спорткар-аа олон нийтэд танилцуулжээ. Нэг бүрийн үнэ нь €3 сая еврогийн үнэтэй байх бөгөөд энэ нь суперкарын ертөнцөд хамгийн өндөр үнэтэй загваруудын нэг болж байна.

Fenomeno нь 2023 оны Revuelto загварын суурь дээр бүтээгдсэн бөгөөд 6,5 литрийн эзэлхүүнтэй атмосферын V12 хөдөлгүүр (833 м.х.) болон 7 кВт·цагийн багтаамжтай цахилгаан мотортой. Хоёр хөдөлгүүрийн нийлмэл хүчин чадал нь 1065 м.х. хүрч, байрнаасаа 2,4 секундэд 100 км/цаг хүрч, дээд хурд нь 350 км/цаг-т хүрэх чадвартай.

Загварын шинэчлэлд хоёр том агаар сорогчтой капот, нүүрстөрөгчийн утсаар хийгдсэн урд ба арын хэсгийн хийц онцлогджээ. Салоны тоноглол нь Revuelto загварынхтай төстэй бөгөөд өндөр зэрэглэлийн материал, технологиудыг шингээсэн.

Энэхүү өндөр үнэ нь хязгаарлагдмал тоо, технологийн дээд шийдэл, дизайн, хүч чадал, мөн Lamborghini брэндийн эксклюзив үнэт чанар-аар тайлбарлагдаж байна. Өнгөрсөн онд компани дэлхий даяар 10,7 мянга орчим суперкар, кроссовер борлуулж, өөрийн түүхэн дээд амжилтаа тогтоосон билээ.

Эх сурвалж: Officelife.media