Шинжээч Шон Монаханын хэлснээр, 2013 оноос хойш «нормкор» гэх энгийн, бараг л “үл үзэгдэх” хувцаслалтыг илэрхийлж ирсэн чиг хандлага хүчээ авсан ч одоо түүний оронд илүү тансаг, илүү чимээ шуугиантай, өнгө дүр төрхөөрөө шууд нүдэнд тусах boom boom гэж нэрлэгдэх шинэ гоо зүй хүч түрэн орж ирж байна. Энэ нь зөвхөн загварын салбарт бус, бидний эргэн тойрны нийгмийн хандлага, амьдралын хэв маягт ч нөлөөлөхөөр болжээ. Тухайлбал, 1980-1990-ээд оны дуулиантай, баяр хөөртэй уур амьсгалыг дахин сэргээх мэт энэ чиг хандлага нам гүм даруу байдлыг ардаа үлдээж, илэрхийлэл, тансаглал, ил тод байдлыг чухалчлах болж байна.

Тухайлбал:

• Tradwife тренд буюу уламжлалт гэрийн эзэгтэй байдлыг сайшаасан дүрслэл хүчээ авчээ. Олон нийтийн сүлжээнд tradwife хештегтэй бичлэгүүдэд эмэгтэйчүүд сайхан хувцаслан, хүүхдээ асарч, гэрээ цэвэрлэн, талх барьж, нөхрөөрөө тэжээлгэж буйгаа бахархалтайгаар харуулдаг. Энэ нь гэр бүлийн уламжлалт дүр төрхийг романтик маягаар эргэн сануулах нэг хэлбэр болж байна.

• Антарктидын уур амьсгалын доройтол мөн boom boom-гоо зүйтэй уялдана. Олон жил онгон байдлаа хадгалсан Антарктид одоо мөс хайлалт, хог хаягдлын урсгалд өртөж, цаашлаад жуулчлалын зах зээлд “баригдах” эрсдэлтэй нүүр тулжээ. Хүмүүсийн аялах, үзэх, мэдрэх гэсэн хүсэл хүчтэй байгаа нь байгальд ч нөлөөлж байгаагийн илрэл юм.

• Morning coffee rave гэх шинэ үзэгдэл Европт газар авч байна. Хүмүүс наргиж цэнгэхийг хүссэн ч үүнийг шөнөжин шартаж биш, өглөөний цагаар хөнгөхөн хийхийг сонирхох болжээ. Аяга кофе барин өглөөний есөн цагаас эхлээд үд хүртэл бүжиглэж, дараа нь ажлаа үргэлжлүүлэх шинэ хандлага энэ. Энэ хөдөлгөөн ээжүүдийн дунд анх түгсэн ч нийт залуусын дунд тархах төлөвтэй байна.

• Лабубуга гэх ойлголт бас сонирхолтой. Эдийн засгийн тодорхойгүй байдал, уур амьсгалын хямрал, нийгмийн дарамтын үед олон насанд хүрэгчид өөрийгөө багадаа эргэж очсон мэт сэтгэгдэл төрүүлэх, хүүхдийн тоглоом эсвэл хүүхдийн хэв маягийн зүйлийг хэрэглэх замаар тайвшрахыг эрмэлзэж байна. Үүнийг сэтгэл заслын нэг төрлийн арга гэж хүртэл үздэг.

Өнөөдөр «boom boom» гоо зүй зөвхөн гадаад төрх төдийгүй хүний өдөр тутмын зан төлөв, сэтгэлзүйн хамгаалалт, нийгмийн оролцоонд хүртэл хүчтэй нөлөө үзүүлж эхэлсэн нь ийнхүү ажиглагдаж байна.

Эх сурвалж: officelife.media