Монгол Улсын Засгийн газрын 62 дугаар тогтоолын дагуу түүхий нүүрсний хэрэглээг нийслэлийн хэмжээнд хориглоод байгаа. Энэ дагуу Сүхбаатар дүүрэгт сайжруулсан түлш борлуулах 50 цэг ажиллах юм.
Өчигдөр нийслэлийн Агаарын бохирдолтой тэмцэх газраас дүүргийн хэмжээнд сайжруулсан түлш авах эхний 17,228 ширхэг “Сайн карт”-ыг 9, 11-20 дугаар хороонд хүлээлгэн өгчээ. Уг картыг өнөөдрөөс эхлэн хороод айл өрхүүддээ хэсгийн ахлагчаараа дамжуулан тарааж байна.
Сайжруулсан түлшийг авахдаа “Сайн карт”-аа зөвхөн дүүрэгт байрлах түлш борлуулагч нарын гар утсанд суулгасан аппликшэнд уншуулж худалдан авалт хийх юм. Бусад дүүрэгт карт уншигдахгүй.
“Сайн карт”-нд эхний удаа 3 тонн шахмал түлшний эрх бий. Иргэн таны түлш авах тоогоор хэрэглээ хасагдах бөгөөд дахин цэнэглэх боломжтой. Сануулахад уг карт нь төлбөрийн хэрэгсэл биш бөгөөд нэг өрх өвлийн турш хэрэглэх сайжруулсан түлшний хэрэглээг хянах цахим хяналтын хэрэгсэл юм.
