Ази, Номхон далайн бүсэд Вашингтон дунд тусгалын пуужин байрлуулна гэсэн төлөвлөгөөнд Бээжин сэтгэл түгшиж байгаагаа илэрхийлж байна хэмээн БНХАУ-ын Гадаад хэргийн яамны Зэвсэглэлд хяналт тавих газрын дарга Фу Цун илэрхийлсэн байна.
Тэрээр АНУ Ази, Номхон далайн бүсэд пуужин байрлуулах юм бол Бээжин хариу арга хэмжээ авахад бэлэн гэдгээ тэмдэглэжээ.
Вашингтон дунд болон ойрын тусгалтай пуужин устгах гэрээнээс гарахаа хэдийнээс төлөвлөсөн байсан гэж Фу Цун онцолсон байна. Тэр бас АНУ дунд болон ойрын тусгалтай пуужин устгах гэрээний талаар Оросыг буруутгаж байгаа нь ердөө л пуужинт зэвсэг боловсруулах эрхээ өөрсдөдөө дангаар авах гэсэн далдын хараатай бодлого байсан юм байна гэжээ.
Өнөөдөр Ази, Номхон далайн бүсэд АНУ-ын Батлан хамгаалахын ажилтан Марк Эспер айлчилж байна. Энэ бол Вашингтон Японд “Томагавк” пуужин харвах МК-41 цогцолбор байрлуулахаар төлөвлөгөөтэй байгаа нь тодорхой. Үүний зэрэгцээ шинэ далавчит пуужин хийхэд 25 сая ам.доллар хуваарилаад байгаа юм.
АНУ дунд болон ойрын тусгалтай пуужингийн гэрээнээс гарсан нь дэлхий дахины аюулгүй байдалд заналхийлж байна гэж ОХУ-ын Ерөнхийлөгч Владимир Путин үүний өмнө тусгайлан мэдэгдсэн. Тэрээр “Цэргийн өргөн хүрээтэй мөргөлдөөн, үүн дотор цөмийн зэвсэг хэрэглэх сөргөлдөөнийг бууруулах чиглэлээр хийсэн олон жилийн хүчин чармайлтыг АНУ зүгээр л хөсөр хаяж олон улсын аюулгүй байдалд асуудал үүсгэж байна” гэсэн юм.
"Ардчилал таймс" сонин
