Монгол Улсад “Эрт илрүүлэг 1.0” хөтөлбөрийн хүрээнд 2022 оны тавдугаар сарын 1-нээс 2025 оны тавдугаар сарын 22-ны өдрийг хүртэл 1.6 сая гаруй хүн урьдчилан сэргийлэх үзлэг, шинжилгээ, оношилгоонд хамрагдсан нь нийт зорилтот хүн амын 49.5 хувийг эзэлж байна.

Хөтөлбөрийн үр дүнд 1.4 сая гаруй иргэн ямар нэгэн өвчлөлийн сэжигтэй гэж бүртгэгдсэн нь анхаарал татаж байна. Илэрсэн сэжигтэй тохиолдлын шалтгаан дараах байдлаар бүртгэгджээ:

• 54.4% — хоол боловсруулах тогтолцооны өвчин

• 15.3% — дотоод шүүрэл, тэжээл, бодисын солилцооны өвчин

• 9.8% — шээс, бэлгийн тогтолцооны өвчин

• 7.4% — зүрх судасны тогтолцооны өвчин

• 3.2% — амьсгалын тогтолцооны өвчлөл

Мөн 0–17 насны хүүхдийн 78 хувь нь шүд цооролтын асуудалтай байгаа нь хүүхдийн амны хөндийн эрүүл мэндэд онцгой анхаарах шаардлагатайг харуулж байна.

Түүнчлэн Засгийн газраас ЕБС-ийн 1 дүгээр ангийн сурагчдын дунд зүрх, нүд, шүдний эрт илрүүлгийн үзлэгийг хэрэгжүүлж байгаа бөгөөд Улаанбаатар хотод 2024 оны аравдугаар сараас, орон нутагт 2025 оны дөрөвдүгээр сараас эхэлжээ.

Эрт илрүүлэгт:

• Нийслэлийн 40,753 хүүхдийн 90% хамрагдаж,

  • 21.3% – зүрхний цахилгаан бичлэгийн өөрчлөлт

  • 79.3% – шүдний цоорол

  • 20.4% – харааны өөрчлөлт илэрсэн

• Эдгээр илэрсэн тохиолдлын 16–71% нь эмчилгээ оношилгооны дараагийн шатанд шилжжээ.

• Орон нутагт 38,728 хүүхдийн 84% хамрагдсан ба

  • 71% нь шүдний цооролтой,

  • 61.3% нь эмчлүүлсэн

  • Харааны илрүүлэгт 55.5% нь оролцсон бөгөөд

  • 15% нь харааны өөрчлөлттэй байжээ.

Энэхүү илрүүлгийн дүн нь урьдчилан сэргийлэх үзлэгүүдийг тогтмол, хүртээмжтэй зохион байгуулах, иргэдийн эрүүл мэндийн боловсролыг нэмэгдүүлэх шаардлагыг дахин баталж байна.

Эх сурвалж: Эрүүл мэндийн яам