Монгол Ардын Нам (МАН)-ын Бага хурлаас Ардчилсан намыг хамтарсан Засгийн газраас гаргах шийдвэр гаргасан талаар мэдээлэл гарсан ч, өнөөдрийн байдлаар уг шийдвэрийг Ардчилсан нам (АН)-д албан ёсоор хүргүүлээгүй байгаа юм.
Тиймээс тус асуудлыг хэлэлцэхээр АН-ын Улс төрийн зөвлөл хуралдаагүй бөгөөд энэ талаар намын дарга Л.Гантөмөр байр сууриа илэрхийллээ. Тэрбээр одоогоор энэ асуудлаар дэлгэрэнгүй мэдээлэл өгөх боломжгүй байгаагаа хэлсэн бөгөөд:
“АН нэгдмэл байх, дараагийн хурлын асуудлыг нэгдмэл байдлаар шийдэх зэрэг дотоод асуудлуудаа ярьж байгаа” хэмээн товч мэдэгдэв.
Түүнчлэн Л.Гантөмөр АН-ын гол зорилго нь одоогоор намын дотоод зохион байгуулалтаа бэхжүүлэх, эгнээгээ нэгтгэхэд чиглэж байгааг онцолсон бөгөөд МАН-ын шийдвэртэй холбоотой тодорхой алхмууд, байр суурийг албан ёсоор хүлээн авсны дараа хэлэлцэх нь зүйтэй хэмээн үзэж байна.
Энэ хугацаанд улс төрийн нөхцөл байдал тодорхой бус хэвээр байгаа ч, АН-ын зүгээс аливаа шийдвэрийг дотоод эв нэгдэл, зөвшилцөл дээр тулгуурлан гаргах байр суурьтай байгаа юм.
Сэтгэгдэл (1)