Эмчилгээ болон эм тариа, вакцин огт байхгүй энэ  ховор гэхдээ үхлийн  халдварт өвчиний  гаралт есдүгээр сарын сүүлчээр Руандад  бүртгэгдэв. Батлан тогтоосон  халдварын 70 гаруй хувь нь тус орны Кигали нийслэлийн хоёр  эмнэлэгт  “ачигдав”.  
Цусан тууралт маш халдвартай учир  өвчтөнүүдтэй хутгалдсан 300 хүнийг хөл хорионы дэглэмээр бусдаас тусгаарлан  ажиглалтад авчээ.
Марбург вирус  Руандад анх удаагаа  гарч байгаа нь энэ бөгөөд халдварын дэгдэлт  өмнө нь Африкийн  бусад орнуудад  тухайлбал, Танзани, Экваторын Гвиней, Ангола, Конго, Кени, ӨАБНУ, Уганда, Ганад  бүртгэгдсэн байдаг.
 «Дэлхийн эрүүл мэндийн байгууллага одоо  уг халдварт өвчний тархалтыг үндэсний төвшинд маш өндөр, бүсийн төвшинд  өндөр,  даяарчлалын төвшинд  бага  гэж үнэлж байна».
ДЭМБ-ын 2024. 09.30-ны өдрийн мэдээний ишлэл

Энэ цагаар  марбург  цусан тууралтын шинж тэмдэгт сэжиглэгдсэн хоёр хүнийг Гамбургийн төмөр замын төв вокзалаас яаралтай  тусгаарлалтад авчээ. Анагаахын оюутан түүний  найз бүсгүй хоёр Майн  дахь Франкфуртаас Гамбургт  хурдан галт тэргээр  ирэхдээ  томуутай төстэй шинж  тэмдгийг мэдэрчээ. Өмнө нь оюутан Руандагаас  Германд нисэн ирсэн ба тэнд  хожим марбург вирусний халдвартай болсон өвчтөнтэй  хавьдалтад орсон байв. Вирус тээгч байж магадгүй тэдний явсан галт тэргэнд 200 орчим зорчигч  байв. Тэдний хавтлын мэдээллийн мэдээллийг  цагдаа нар  цуглуулсан  ба  халдвар тогтоогдвол тэднийг тусгаарлах гэнэ. Оюутан ба түүний найз бүсгүй хоёрыг Гамбург-Эппендорф гэдэг  их сургуулийн клиникт тусгаарлан  хяналтад авсан байгаа гэнэ.

Эх сурвалж: vokrugsveta.ru