Израилийн өөрийгөө хамгаалах армийн (ЦАХАЛ) Ливанд шиитийн «Хезболла» хөдөлгөөний эсрэг хийх ажиллагааг «Умартын сум» гэж нэрлэсэн тухай ЦАХАЛ-ын хэвлэлийн алба мэдэгджээ.
«Хойд фронтод хийх давших ажиллагааг «Умартын сум» гэж нэрлэж байгааг армийн Жанжин штабын дарга дэслэгч генерал Герци Халеви зарлав» хэмээн армийн хэвлэлийн албанаас мэдээлжээ.
Энэ ажиллагааны эхэнд байлдааны онгоцнууд нь «Хезболла» хөдөлгөөний байрлалуудыг бөмбөгдхөөр 650 байлдааны нислэг хийсэн байна. Тодруулснаар, Израильд аюул учруулах пуужин, дрон хадшалж байгаа байр байшин, дэд бүтэц болон тээврийн хэрэгслүүдийг бөмбөгджээ. Хоногийн дотор ЦАХАЛ шиитийн хөдөлгөөний 1300 байгууламжид хохирол учруулжээ. ЦАХАЛ есдүгээр сарын 23-нд шийтийн байгууламжуудыг хүчтэй бөмбөгдснөөс гадна Бейрут хотод бас цохилт хийжээ. Израилийн ерөнхий сайд Биньямин Нетаньяху аюулаас урьдчилан өрсөх цохилтуудыг хийлээ гэв. «Хезболла» мягмар гарагт шилжих шөнө Израилийн нисэх хүчний Рамат-Давид баазад пуужин ба дроноор довтолгоог хийжээ. НҮБ-ын Дээд комиссарын газраас Ливаны ыөмыөгдөхөө зогсоохыг Израильд уриалжээ.
Эх сурвалж: iz.ru
