Эрдэмтэд хөгшрөлтийн нууцыг тайлах замдаа дахин нэг алхам хийлээ. Тэд “Ариун Грааль” эм бүтээснээ зарлав (хуучин францаар Graal, Grâl, Sangreal, Sankgreal, латинаар Gradalis, Исус Христос зовдлогдохын өмнөх оройн зоогт ундаалсан аяга ба түүнд Иосиф Аримафейский Христийн шархны цусыг цуглуулсан гэх домогтой, тэр аяганаас ундаалсан хүний нүгэл өршөөгдөж, мөнхийн амьдрал авдаг гэдэг). Хөгшрөлтийн хурдасгадаг уургыг эрдэмтэд олоод түүнийг хассан эмийг бүтээн туршилтын хулганы насыг 25 хувиар нэмэгдүүлж чадлаа.
Эмийг туршиж эхэлснээс 25 долоо хоногийн дараа хорд хавдрын эрсдэл маш бага, буурал үс алга болсон, хараа сайжирсан, булчин махбодийн ажиллагаа сайжирсан нь туршилтын хөгшин амьтадаасилэрчээ. Туршилтад орсон 55 настай хүнтэй эн зэрэгцэх75 долоо хоногийн настай хулгана ердийн хулганын 120 долоо хоногийн настай харьцуулахад 155 долоо хоног амьдарчээ.
Хүн хөгшрөлтийг хурдасгадаг интерлейкин-11 уургийг 450 сая жилийн өмнө загаснаас өвлөн авчээ. Энэ ген нь эрхтнүүдийн соривжилтийн байнгын өрөвсөл, бодисын солилцооны өөрчлөлт, булчингийн сулрал элэгдэл, зүрхний эдийн гэмтэл зэргийг өдөөгч юм байна.
Туршилтын хулгануудад хорт хавдрын өвчлөлт буурсан төдийгүй тэднээс хөгшрөлтийн ердийн шинж тэмдэг илэрсэнгүй. Мөн тэдний булчингийн ажиллагаа сайжирчээ. Нэг үгээр, интерлейкин-11 уургийг хаасан эмээр туршигдсан хөгшин хулганууд эрүүл байв.
Хөгшрөлтийг гаргадаг уургийн эсрэг эмийн клиникийн туршилт одоо хүмүүс дээр туршигдаж байна. Туршилт дуусаагүй ч эм ямар нэгэн хор хөнөөлгүй нь тогтоогджээ.
М.Цогт
