УИХ-ын чуулганы хуралдаан үргэлжилж байна. Хуралдааны үеэр УИХ-ын гишүүн Г.Дамдинням хоёр жилийн өмнө дуулиантай эхлээд замхарсан "Авилга" хорооллын асуудлыг хөндөж, хоёр жилийн өмнө нураах шийдвэр нь гарчихсан хороолол яагаад өнөөдөр нураагдаагүй, ажил нь үргэлжилсээр байгаа юм бэ?. Хуулийн байгууллага ямар ажил хийж байна?" гэдэг асуултын Хууль зүй, дотоод хэргийн сайд О.Алтангэрэлд тавилаа.
О.Алтангэрэл:
-"Авилга" хороолол бол яалт ч үгүй албан тушаалтны хэрэг. АТГ үүн дээр ахнаарал хандуулж, дэмжиж ажилламаар байна. Барилгыг нураах захиргааны шийдвэр гарсан боловч Захиргааны хэргийн шүүх дээр очоод гацсан. Шүүхийн шийдвэр гартал захиргааны шийдвэрийг түдгэлзүүлсэн. Процессийн хувьд шүүхийн шийдвэр гарах хугацаа аль хэдийн өнгөрсөн боловч шүүх хэргийг шийдвэрлэхгүй байна. Олон нийтийн ашиг сонирхолд хохирол учруулж байна, мөнгөтэй хүмүүст хууль үйлчлэхгүй байна. Тиймээс УИХ-аас хяналт шалгалтын ажлыг хэсэг гаргаж дэмжлэг үзүүлмээр байна гэв.
Асуулт хариултын дараа УИХ-ын дарга Д.Амарбаясгалан "Асуудал хуулийн дагуу явахгүй бол, шаардлагатай бол намрын ээлжит чуулганыг нээсний дараа УИХ-аас хяналт шалгалтын ажлын хэсэг гаргана" гэв.
