Манай галактикийн төв дэх хар нүхний чанартай зургийг эрдэмтэд танилцуулж байна гэж Independent сонин баасан гаригт бичжээ. Нум А* гэсэн нэр авсан биетийн шинэ зураг нь Тэнгэрийн заадсын төв дэх хар нүхний судалгаанд цоо шинэ цөмрөлт боллоо. Түүний өндөр чанартай зургийг Event Horizon Telescope төслийн хүрээний хамтын ажиллагааны үр дүнд хийсэн байна. Зураг нь тэр хэт хүнд жин нягтралтай хар нүхний захаас мушгиа байдалтайгаар тархаж буй соронзон ороныг олж илрүүлэхэд тус боллоо.
Үүний зэрэгцээ, эрдэмтэд галактикийн төвийн M87 гэж тэмдэгдэгдсэн хар нүхний бүтэцтэй төстэй соронзон орных нь талбайн бүтцийг олж тогтоов. Тэр нь хүчтэй соронзон орон нь бүх хар нүхнүүдийн хувьд нийтлэг чанар байж болох талтай гэсэн үг болж байна.
"Sgr A* бүтцийн зураглал нь өмнө ажиглагдаж байсан том, хүчтэй M87 хар нүхтэй бараг адилхан байсан. Хүчтэй цэгцлэгдсэн соронзон орон нь хар нүхний орчны хий болон биеттэй харилцан холбогдоход чухал үүрэгтэйг бид мэдэж авлаа" хэмээн Event Horizon Telescope төслийн удирдагч нарын нэг Сара Иссаун тайлбарлажээ.
М.ЦОГТ
