Туркийн ерөнхийлөгчийн сонгуулд Режеп Тайип Эрдоганы дахин ялалт байгууллаа. Энэ талаар АНУ-ын Newsweek сэтгүүл нийтлэхдээ Оросын Ерөнхийлөгч Владимир Путины ялалт хэмээн бичжээ.
Ням гаригийн Туркийн Ерөнхийлөгчийн сонгуульд өнөөгийн төрийн тэргүүн Эрдоган сонгогчдын 52 хувийн санал авч гурав дахь удаагаа Ерөнхийлөгчөөр сонгогдлоо.
Сонгуулийн албан ёсны дүнг ирэх зургаан сарын 1-нд зарлах юм.
Оросын Ерөнхийлөгч Владимир Путины санал болгосон "Хийн хаб"-ын асуудлыг заавал хэрэгжүүлнэ гэж Туркийн лидер Режеп Тайип Эрдоган үг хэлэхдээ амласан байна. Тэрээр "Путины санал болгосон "Хийн хаб"-ыг Фракид Оростой хамт бий болгоно. Бид үүнийг хийнэ. Фракия төв нь болно" гэж хэлжээ.
Төлөвлөж байгаагаар хабаар дамжуулан Хойд урсгалуудын эвдэрсэн хийн хоолойн хийг шахан боловсруулах аж.
Сонгуульд Эрдогантай өрсөлдсөн сөрөг хүчний Бүгд найрамдах ардын намын тэргүүн Кемаль Кылычдароглу 25 сая сонгогч нарт санал өгсөнд нь талархаад улс төрийн тавцанд тэмцлээ үргэлжлүүлнэ гэж мэдэгджээ.
Тэрээр "Сая сая хүмүүс энэ улсад хоёрдугаар зэргийн хүн болж байгаатай би эвлэрэхгүй" хэмээн хэлжээ.
М.ЦОГТ
