Өнгөрсөн долоо хоногт Турк болон хөрш зэргэлдээх Сирид газар хөдлөлт болж 34,000 гаруй хүн амь үрэгдсэний дараа Турк улс барилга нурсантай холбоотой гүйцэтгэгчид, болон гэрээлэгчдийг шалгахаа амласан билээ.
Тус улсын Хууль зүйн сайд ням гаригт сэтгүүлчдэд хэлэхдээ, нурсан барилгуудтай холбоотой хэргээр 134 хүнийг саатуулсан гэлээ. Судалгаанд хамрагдсан 170,000 барилгаас 24,000 гаруй барилга нь их хэмжээний хохирол амссан эсвэл нурсан гэж тус улсын Байгаль орчны сайд мэдэгдээд байна.
Барилгын мэргэжилтнүүд зарим нурангид чанар муутай барилгыг буруутгаж байгаа бөгөөд Туркийн инженер, архитекторууд газар хөдлөлтийн бүсээс нурангины дээж цуглуулж, нотлох баримт болгон ашиглаж байна.
Аврагчид өнгөрсөн ням гаригаас хойш Туркийн нурангиас эрэн хайх үйл ажиллагаа үргэлжлүүлсээр байгаа бөгөөд 150 цаг орчим эсэн мэнд үлдсэн хоёр хүн, түүний дотор 6 настай хүүхэд балгасаас татан авчээ.
Турк улс 1999 онд болсон газар хөдлөлтийн дараа 17,000 гаруй хүн амь үрэгдсэний дараа барилгын дүрэм журмаа шинэчилсэн боловч шинжээчид энэ дүрмийг үл тоомсорлодог гэж үзэж байна. Нэгэн хот төлөвлөлтийн мэргэжилтэн энэ асуудал системтэй, зөвхөн гүйцэтгэгч компанийг онилсноор үүнийг засахгүй гэв.
Сирийн хойд хэсэгт 12 гаруй жил үргэлжилсэн иргэний дайн бий болсон улс төрийн ээдрээтэй нөхцөл байдлын улмаас тусламж бараг ирээгүй байна. Сирийн зарим иргэн газар хөдлөлт нь дайны үед тэсч үлдсэн бүх зүйлээс илүү хүчтэй байсан гэж хэлжээ.
Б.Бүжлхамаа
