Өнгөрсөн долоо хоногт АНУ-ын сөнөөгч онгоцонд харвуулсан Хятадын агаарын бөмбөлөг нь харилцаа холбооны мэдээлэл цуглуулах чадвартай хэд хэдэн антен, багаж хэрэгсэлтэй байсан гэж АНУ-ын албаны хүмүүс мэдэгдлээ.
Ерөнхийлөгч Байдены засаг захиргаа агаарын бөмбөлгийг Хятадын цаг агаарын судалгаанд ашигладаг иргэний зориулттай байсан, мөн замаасаа хазайсан гэсэн Хятадын мэдэгдлийг эсэргүүцэхийн тулд тагнуулын мэдээллийг ил болгожээ.
"Бөмбөлөгний төхөөрөмж нь тагнуулын тандалтад зориулагдсан байсан бөгөөд цаг агаарын бөмбөлөг дээрх төхөөрөмжтэй нийцэхгүй байсан" гэж Төрийн департамент мэдэгджээ.
Бөмбөлөг агаарт хэвээр байх үед Америкийн U-2 хяналтын онгоцууд түүний зургийг авчээ. Бөмбөлөг нь харилцаа холбооны мэдээллийг цуглуулж, газарзүйн байршлыг тогтоох чадвартай хэд хэдэн антентай, олон идэвхтэй тагнуулын цуглуулагч мэдрэгчийг ажиллуулахад хангалттай хэмжээний нарны зайн хавтантай байсан байна.
АНУ-ын албаны хүмүүсийн мэдээлснээр Хятад улс дэлхийн 40 гаруй улс руу агаарын бөмбөлөг илгээж, тагнуулын ажиллагаа явуулжээ. Хяналтын хувьд бөмбөлөг нь хиймэл дагуулаас зарим давуу талтай. Тэд нэг газраас нөгөө рүү хөөрч, илүү тод дүрс гаргаж, газраас илүү олон дохио авахын тулд доош нисч чаддаг байна.
АНУ-ын албаны хүмүүс бөмбөлөг ямар сайтуудыг онилсон байсныг тогтоогоогүй байна. Албаны хүмүүс агаарын бөмбөлөг АНУ-ын цөмийн байгууламжийн талаар ямар ч нууц мэдээлэл аваагүй гэдэгт итгэлтэй байгаа ч юу цуглуулсан нь тодорхойгүй байна.
Тэд унасан бөмбөлөгний хог хаягдлаас илүү мэдээлэл олж авна гэж найдаж байна.
Б.Бүжлхамаа
