Хятад улс "тэг ковид" бодлогоо зогсооход олон хүн хотоос хөдөө орон нутгийг хамарсан халдварын тархалт удаан үргэлжлэхээс эмээж байв. Хоёрхон сарын дараа Хятад улс Ковид давалгааныхаа хамгийн муу үеийг даван туулсан бололтой.

Нэгэн боломжит шалтгаан нь ковид хотоос хөдөө рүү санаснаас хурдан үсэрсэн бололтой. Зарим эрүүл мэндийн ажилтнууд Хятадын 1.4 тэрбум хүн амын 80 хувь нь 2022 оны сүүлээр халдвар авсан гэж үзэж байгаа ч зарим нь энэ тооцоонд эргэлзэж байна.

Хамгийн муу үе аль хэдийн дууссан байж магадгүй юм.

Коммунист нам эдийн засгаа сэргээхэд түлхүү анхаарлаа хандуулж байгаа. Олон жирийн иргэд тахал өвчнөөс салж, дахин амьжиргаагаа залгуулахад анхаарлаа төвлөрүүлэх хүсэлтэй байна. Ковидтой өвчтөнүүдийг эмчлэхээр Хятад даяар дайчлагдсан эмч нар утсаар ярилцлага өгөхдөө, одоо үзэж байгаа өвчтөнүүдийн тоо буурсан гэж мэдэгджээ.

Гэхдээ Хятад улс шинэ дэгдэлтэд өртөмтгий хэвээр байгаа. Ялангуяа биеийн ерөнхий эсэргүүцэл, дархлаа суларч байна. Сар шинийн баяр дуусч, хэвийн амьдрал сэргэж байгаа энэ үед вирусыг сүүлийн үеийн өсөлтөөс зайлсхийж чадсан газрууд олон байна.

Албан ёсны статистик нь ихэвчлэн цензуртэй, мэдээлэл цуглуулах чадвар муутай байдаг. Хятад улс өнгөрсөн арванхоёр дугаар сарын 8-аас хойш эмнэлгүүдэд 79,000 орчим хүн ковидын улмаас нас барсан тухай албан ёсоор мэдээлсэн. Энэ нь эмнэлгээс гадуурх нас баралтыг оруулаагүй тул эрс бага тоо байж магадгүй юм.

Б.Бүжлхамаа