Netflix-ийн шуугиан дэгдээж, хамгийн их үзэлттэй болсон "Squid Game"-ийн цувралд дүр бүтээсэн жүжигчин О Ён Сү нэгэн эмэгтэйд зохисгүй хүрсэн хэрэгт буруутгагджээ.

Жүжигчин О Ён Сү 1968 оноос хойш 200 гаруй уран бүтээлд тоглож, хэд хэдэн шагналын эзэн болж байсан Өмнөд Солонгосын шилдэг тайзны жүжигчдийн нэг. Тэрээр 2021 онд Netflix-ийн хит болсон "Squid Game" киноны зальтай, хөгшин оролцогч О Ил Намын дүрийг бүтээснээрээ олон улсад алдаршсан билээ.

Түүний уг бэлгийн хүчирхийллийн хэрэг 2017 онд гарсан аж.

Энэ баасан гаригт түүнийг зүй бусаар хүний биед халдсан хэргийн шүүх хурал болно. Өмнөд Солонгосчууд бэлгийн гэмт хэрэгтэй тэмцэхийг оролдсоор байгаа. Тус шүүх хурал нь #MeToo хөдөлгөөний нэгэн цуурай болно.  

Прокурорууд 2017 онд өөрт нь зохисгүй хүрсэн гэж гомдол гаргасны дараа 78 настай О Ён Сүг өнгөрсөн арваннэгдүгээр сард ялласан юм. Хэрэв одоо Сөүлээс өмнө зүгт 20 милийн зайд орших Сувон хотын дүүргийн шүүгч жүжигчин О-г давах дээр яллавал тэрээр 10 жил хүртэл хугацаагаар шоронд хоригдох эсвэл 12,000 орчим доллараар торгуулах болно.

Хэргийн талаар болон үйл явдлын талаар цөөн хэдэн нэмэлт баримт мэдэгдэж байгаа хэдий ч шүүхийн баримт бичгүүдийг хуулиар авах боломжгүй. Мөн эрх баригчид бэлгийн гэмт хэргийн хохирогчдын талаарх мэдээллийг задруулахгүй байх бодлого баримталж, яллагчийн талаар дэлгэрэнгүй мэдээлэл өгөхөөс татгалзаж байна.

Б.Бүжлхамаа