Улаанбаатар хотод үүлэрхэг, цас орохгүй. Салхи баруун өмнөөс секундэд 5-10 метр. Өдөртөө 5 хэм хүйтэн байна.

Өнөөдөр уулархаг нутгаар цас орж, ихэнх нутгаар хүйтний эрч бага зэрэг суларна.

Ихэнх нутгаар солигдмол үүлтэй. Увс Нуурын хотгор, Монгол-Алтай, Хангай, Хөвсгөлийн уулархаг нутгаар цас орно. Бусад нутгаар цас орохгүй. Салхи ихэнх нутгаар баруун өмнөөс секундэд 5-10 метр, Алтайн салбар уулсаар түр зуур  секундэд 16-18 метр хүрч ширүүснэ. Дархадын хотгороор -13... -18 хэм,  Хангай, Хөвсгөл, Хэнтийн уулархаг нутаг, Завхан голын эх, Хүрэн бэлчир орчим, Тэс, Туул, Тэрэлж  голын хөндийгөөр  -8... -13 хэм  хүйтэн,  Их нууруудын хотгор болон говийн бүс нутгийн хойд хэсгээр -1 хэм хүйтнээс... +4 хэм дулаан,  говийн бүс нутгийн өмнөд хэсгээр +4... +9 хэм дулаан, бусад нутгаар -2... -7 хэм хүйтэн байна.

Цаг агаарын урьдчилсан төлөв: 24, 27-нд баруун, төв, зүүн аймгуудын нутгийн зарим газраар, 25-нд баруун аймгуудын нутгийн баруун хэсэг, зүүн аймгуудын нутгийн зарим газраар, 26-нд баруун болон төвийн аймгуудын нутгийн зарим газар, говийн аймгуудын нутгийн хойд, зүүн аймгуудын нутгийн баруун хэсгээр цас орж, цасан шуурга шуурна. Салхи ихэнх хугацаанд секундэд 7-12 метр, 24-нд нутгийн зарим газраар, 26-нд нутгийн баруун хагаст, 27-нд ихэнх нутгаар түр зуур секундэд 16-18 метр хүрч ширүүснэ. 24-нд баруун болон төвийн аймгуудын нутгаар, 25-нд төв болон зүүн аймгуудын нутгаар хүйтэрч Дархадын хотгор, Хэнтийн уулархаг нутаг, Хүрэнбэлчир орчим, Завхан голын эхээр шөнөдөө -31... -36 хэм, өдөртөө -19... -24 хэм, Монгол-Алтай, Хангай, Хөвсгөлийн уулархаг нутаг, Эг, Үүр, Идэр, Тэс, Туул, Тэрэлж голын хөндийгөөр шөнөдөө -25... -30 хэм, өдөртөө -13... -18 хэм, говийн бүс нутгийн өмнөд хэсгээр шөнөдөө -11... -16 хэм, өдөртөө -1... -6 хэм, бусад нутгаар шөнөдөө -18... -23 хэм, өдөртөө -8... -13 хэм хүйтэн байна. 27-нд нутгийн баруун хагаст цаашдаа ихэнх  нутгаар хүйтний эрч эрс чангарна.