Монголын анхны хувийн хэвшлийн банкнуудын нэг Голомт банк нь 27 жилийн хугацаанд Монголын санхүүгийн зах зээлийн 20 шахам хувийг бүрдүүлдэг салбарын гол тоглогч болтлоо өсөж, хөгжсөн байдаг. Өнгөрсөн долоо хоногт Голомт банк олон нийтэд нээлттэй хувьцаат компани болох шийдвэрээ танилцуулж, хөгжлийнхөө шинэ шатанд гарч буйгаа мэдэгдсэн. Банкны салбарт төдийгүй, улс орны эдийн засагт ч томоохон эерэг нөлөө үзүүлэх энэхүү түүхэнд үлдэх үйл явдалд “Инвескор Капитал ҮЦК” хамтран, үндсэн андеррайтераар ажиллаж байна.
Андеррайтер нь үнэт цаас гаргах хүсэлтэй компанийн санхүү, үйл ажиллагаанд нь шинжилгээ хийн зөвлөгөө өгч, олон нийтэд санал болгох, хөрөнгө босгох процессыг хариуцдаг байгууллагыг хэлэх бөгөөд “Инвескор Капитал ҮЦК”-ийн зүгээс уншигч та бүхэндээ Голомт банкны хувьцаа эзэмшигч болох нь ямар давуу талтай талаар товч мэдээлэл хүргэж байна.
Монгол Улсын банкны салбар
Монгол Улсын санхүүгийн систем нь банкны салбартаа тулгуурласан онцлогтой бөгөөд нийт хөрөнгө нь 2013 оноос эхлэн Монгол Улсын нэрлэсэн ДНБ-ээс давж эхэлсэн байдаг. Энэ ч утгаараа системийн нөлөө бүхий Голомт банк нь олон нийтэд нээлттэй хувьцаат компани болж, реформ хийснээр дотоодын хөрөнгийн зах зээл илүүтэй хөгжиж, хөрвөх чадвар сайжрах, хөрөнгө оруулагчдад очих өгөөж нэмэгдэх зэрэг бүх талыг дэмжсэн эерэг өөрчлөлтүүдийг авчрах боломжтой.
Мөн Азийн бусад хөгжингүй улс орнуудын хувьд ДНБ-д эзлэх банкны салбарын нийт актив нь дунджаар 182%-тай байна. Манай улсын хувьд 2021 онд ДНБ-ийнхээ 94%-тай тэнцэж байсан банкны салбар цаашдаа ч тэлэх бүрэн боломжтой харагдаж байна.
Салбартаа тэргүүлэгч ГОЛОМТ БАНК
Голомт банк 1995 онд анх үйл ажиллагаагаа эхэлснээс хойш нийт хөрөнгөө 6,000 дахин өсгөсөн амжилттайгаар олон нийтэд хувьцаат компани болж байна.
Энэхүү татан төвлөрүүлсэн хөрөнгө нь Голомт банкны өөрийн хөрөнгө, эрсдэлээр жигнэсэн активын харьцаа үзүүлэлт сайжрах, зээлийн багцын хэмжээг ойролцоогоор 790 гаруй тэрбум төгрөгөөр өсгөх гэх мэт ирээдүйн бизнесийн тогтмол өсөлтийг бий болгох гол суурь болох боломжтой.
Энэхүү бизнесийн өсөлт нь хувьцаа эзэмшигчдэд эергээр нөлөөлж, 2026 он хүртэл нийт цэвэр ашгийнхаа 50 хүртэлх хувийг хуваарилах боломжийг олгоно. Мөн нэгж хувьцаанд ногдох цэвэр ашгийн хувиараа тооцоолбол 2026 онд нэгж хувьцаа нь 2,540 төгрөг хүрэх буюу 98 хувийн өсөлтийг үзүүлэх төсөөлөл гарсан юм.
Голомт банканд хөрөнгө оруулах сонирхолтой хэн бүхэн ЭНД дарж “Инвескор Капитал ҮЦК”-д үнэт цаасны данс болон онлайн арилжааны системд үнэгүй бүртгүүлэх боломжтой. Ингэснээр та хамгийн бага буюу 0.56%-н шимтгэлээр хувьцааны захиалга өгөх давуу талтай.
Хөрөнгө оруулалтын мэргэшсэн зөвлөх
ИНВЕСКОР КАПИТАЛ
