Япон улс 24 жилийн дараа анх удаагаа иений ханшийг өсгөхийн тулд интервенц хийж, ам.доллартай харьцах мөнгөн тэмдэгтийн уналтыг зогсоох оролдлого хийснээ өчигдөр зарлалаа.

Лхагва гаригт АНУ-ын Холбооны нөөцийн сан бодлогын хүүгээ дөрөвний гурваар нэмж өсгөнө гэж мэдэгдсэний дараа иен нэг ам.доллартай харьцах ханш 145-ыг давжээ. Өнгөрсөн нэг жилийн хугацаанд иен ам.доллартай харьцах ханшийнхаа 20 гаруй хувийг алдаж, энэ онд хөгжингүй томоохон орнуудын дунд хамгийн муу үзүүлэлттэй валют болсон юм.

Иений ханшийн уналтад Япон улс бодлогын хүүгээ бага байлгах шийдвэр гаргасантай холбоотой. АНУ-ын Холбооны нөөцийн сангийн өсөлтийг бусад улс орнууд дагаж мөрдөж эхэлсэн ч Японы Төвбанк хэт бага хүүгийн бодлогоо баримтална гэж мэдэгдсэний дараа засгийн газар интервенц хийсэн юм.

Түүхэндээ олон жилийн турш иений ханш сул байгаа нь экспортод тулгуурласан эдийн засагт нь эерэг нөлөө үзүүлж, Японы бүтээгдэхүүнийг хямд, гадаадад хэрэглэгчдийн сонирхлыг татахуйц болгосон юм.

Дэлхийн өөр хэсэгт Английн Төв банк өчигдөр үндсэн хүүгээ хагас нэгжээр өсгөж 2.25 хувьд хүргэсэн нь 2008 оноос хойших хамгийн өндөр төвшинд хүрсэн бөгөөд энэ нь өндөр инфляцийг номхотгох хамгийн сүүлийн оролдлого болоод байна.

Б.Бүжлхамаа