​​​​​​Салсан нөхөр нь байнга "ална" хэмээн сүрдүүлж, дарамталснаас болж дөрвөн хүүхдийн ээж амиа хорложээ.  

Тодруулбал, Иргэн Б нь хүүгийн хамт амьдарч байхдаа А-тай танилцан хамтран амьдарч дундаасаа 2 хүүхэд төрүүлсэн байна. Хамтран амьдрах хугацаанд Б нь ажил хөдөлмөр эрхэлдэггүй байсан ба байнга архи уудаг, дагавар хүүхэдтэйгээ зүй бус харьцдаг байсан Б-гээс тусдаа амьдрах болсон байна.

Тусдаа амьдрах болсоноос хойш Б нь хамтран амьдрагч А-гийн ажлын газрын болон өөрийнх нь утас руу байнга залгах, А-г болон эх, хүүг нь “ална”, “гэрийг нь шатаана” гэх зэргээр мессеж бичих, гэрт нь болон ажлын газарт нь байнга очих, дагах, байгууллагын удирдлагад нь гомдол гаргах, хэрүүл маргаан хийх зэргээр удаан хугацаанд сэтгэл санааны дарамт үзүүлж шаналган, нэр хүндийг гутааж, заналхийлж, айлган сүрдүүлсний улмаас А сэтгэл санааны гүн хямрал дарамтад орж, гэрээслэл бичиж 16 давхраас үсэрч амиа хорлосон байна.

Прокуророос А-г “Хүнийг амиа хорлох нөхцөл байдалд хүргэх” гэмт хэрэгт холбогдуулан яллах дүгнэлт үйлдэж, хэргийг шүүхэд шилжүүлсэн байна.

Хүнийг амиа хорлох нөхцөл байдалд хүргэх гэмт хэрэг нь эд хөрөнгө, албан тушаал, гэр бүлийн хамаарал бүхий харилцаа, бусад нөхцөл байдлын улмаас эрхшээлдээ байгаа хүнийг байнга хүчирхийлсэн, доромжилсон, зодсон, тамлан зовоосон, айлган сүрдүүлсэн идэвхтэй үйлдлээр бусдыг амиа хорлох гарцаагүй байдалд хүргэсэн байх шинжийг агуулдаг.

Анхан шатны шүүх шүүгдэгч А-г дээрх гэмт хэргийг үйлдсэн гэм буруутайд тооцож, хүнд байнгын шинжтэй сэтгэл зүйн дарамт үзүүлсэн нөхцөл байдал, гэмт хэргийн улмаас хүнд хор уршиг бий болсон, бага насны 4 хүүхэд өнчирсөн болон шүүгдэгчийн хувийн байдал зэргийг харгалзан, түүнийг 6 жилийн хугацаагаар хорих ялаар шийтгэжээ.