Монгол Улс 1924, 1940, 1960, 1992 онуудад Үндсэн хуулиа дөрвөн удаа хэлэлцэн баталсан түүхтэй билээ. Энэ жил ардчилсан Үндсэн хууль батлагдсаны 30 жилийн ой тохиож буй юм. Энэ хүрээнд Үндсэн хуулийн Цэцийн гишүүн Д.Одбаярыг гавьяат хуульчаар шагнуулахаар болсон гэх мэдээлэл гараад байна.
Гэвч Д.Одбаяр нь Үндсэн хуулийн цэцийн даргаар ажиллаж байхдаа ёс зүйгүй үйлдэл гаргаж, "Korean Air" компанийн нисэх онгоцны үйлчлэгчийн биед хүрсэн гэх асуудалд нэр холбогдож, улс эх орныхоо нэрийг шавартай хутгаж байсан юм.
Түүний ёс зүйгүй үйлдлийн талаар Өмнөд Солонгосын бүх хэвлэлээр гарч байсан нь саяхан билээ.
Энэхүү асуудалтай холбогдуулан монгол улсын иргэд түүнийг албан тушаалаас нь огцруулах ацк явуулсан боловч ҮХЦ-ийн даргын суудлаас нь чөлөөлж, гишүүнээр үлдээсэн байдаг юм.