Жо Байдены АНУ-ын ерөнхийлөгчийн хувиар Азийн улсуудад анх удаагаа айлчилж буй. Түүнийг Японы Ерөнхий сайд Фумио Кишидатай хамт Токио хотод хийсэн хэвлэлийн бага хурал дээр нэгэн сурвалжлагч Ерөнхийлөгч Байденаас "Тайванийг хамгаалахын тулд цэргээ оролцуулах" хүсэлтэй байгаа эсэхийг асуужээ.

Харин Ерөнхийлөгч Байден "Тийм ээ" гэж хэлээд  "Энэ бол бидний өгсөн амлалт" хэмээн хариулсан байна.

Хэрэв Хятад хэзээ нэгэн цагт арлын ардчилал руу довтлох юм бол Тайванийг хамгаалахын тулд цэргийн хүч хэрэглэнэ гэж Байден амласан нь АНУ-ын ерөнхийлөгчдийн уламжлалт "стратегийн тодорхой бус байдлыг" арилгав.

Байдены энэхүү тайлбар нь Украинд хандаж буй шигээ зэвсэг нийлүүлэхээс илүүтэй Тайванийн төлөө явах болно гэсэн санааг илэрхийлэв. Цагаан ордон Байдены тайлбарыг "Тайванийг өөрийгөө хамгаалах цэргийн хэрэгслээр хангах" амлалтаа дахин нотлохыг оролдсон хэмээлээ. Гэхдээ Байден дэд ерөнхийлөгч байхдаа өмнөх үеийнх нь Хятад, Тайванийн талаарх бодит бус байдлыг үл тоомсорлож байсан юм.

Тайвань бол Хятадын нутаг дэвсгэрийн нэг хэсэг бөгөөд тусгаар тогтносон үндэстний хувьд оршин тогтнох боломжгүй гэдгийг Бээжин анхааруулсаар байгаа. АНУ түүхэндээ Хятадыг Тайванийн эсрэг хүч хэрэглэхээс сэрэмжлүүлж ирсэн боловч ерөнхийдөө хэрхэн хариу үйлдэл үзүүлэх нь тодорхойгүй хэвээр байгаа.

Дипломат харилцааны хувьд Байден Ази, Номхон далайн бүс нутгийн арваад улсыг Хятадтай сөрөн зогсох, бүс нутагт АНУ-ын нөлөөг сэргээх зорилготой шинэ, сул тодорхойлогдсон эдийн засгийн блокт элсүүлээд байна.

Б.Бүжлхамаа

www.nytimes.com