Их Британий Ерөнхий сайд Борис Жонсон хөл хорио тогтоосон байх үеэр үдэшлэг зохион байгуулсан гэж шүүмжлэлд өртөөд байгаа билээ. Тэгвэл энэ шуугиант үед тэрээр сонгогчдын дэмжлэгийг алдахгүйн төлөө, Англид тогтоосон бараг бүх Ковидтой холбоотой хязгаарлалтуудыг цуцална гэлээ.

Шийдвэр ирэх долоо хоногоос хэрэгжиж эхлэх юм байна.

Жонсоны өнөөдөр хийсэн мэдэгдэл нь өнгөрсөн сард арга хэмжээ авах үед түүний эсрэг боссон 100 орчим Консерватив хууль тогтоогчдыг татах оролдлого байсан бололтой. Энэ үйл явдал Жонсоныг суудлаас нь түлхэн унагаж болох санал хураалтад түлхэц өгч ч магадгүй юм.

Ковидийн дүрмүүдэд өөрчлөлт оруулснаар нийтийн тээврээр эсвэл сургуулийн анги танхимд нүүрний маск хэрэглэх шаардлагагүй болно. Мөн ажилчдыг ажлын байрандаа ирэхэд урамшуулах болно. Түүнчлэн, томоохон арга хэмжээнд оролцохын тулд вакцины гэрчилгээ эсвэл саяхны халдвараас эдгэрсэн тухай нотлох баримт шаардлагагүй болж байна. 

Ерөнхий сайд Борис Жонсон "Бид Английн ард түмний шүүлтэд итгэх болно. Бид Омикроны давалгаанаас хамгийн түрүүнд гарч ирсэн. Би иргэддээ итгэж байна" гэлээ.

Жонсоны Консерватив намын гишүүн лхагва гаригт Хөдөлмөрийн намаас урваж, итгэл үзүүлэхгүй байхыг уриалсан захидал ирүүлсэн гэж эх сурвалжууд мэдээлж эхэлжээ. Харин Жонсон огцрохгүй гэж зүтгэж байна.

Их Британид тохиолдлын тоо өндөр хэвээр байгаа ч сүүлийн долоо хоногийн хугацаанд өмнөх долоо хоногтой харьцуулахад 39 хувиар буурсан байна.

Б.Бүжлхамаа

www.nytimes.com