Байдены засаг захиргаа болон АНУ-ын холбоотнууд энэ долоо хоногт Москватай маргаантай яриа хэлэлцээ хийж эхлэх үед Барууны албаныхан Орос Украины хилээр цэргээ илгээвэл томоохон хэмжээний санхүүгийн шийтгэл хүлээж, технологийн зорилтот хориг арга хэмжээ авна гэж харж байгаа бөгөөд үүний зэрэгцээ эрчим хүчний болон банкны хамгийн өргөн хүрээний хориг арга хэмжээнээс зайлсхийх зэрэг асуудлуудтай нүүр тулах магадлалтай гэж шинжээчид үзэж байна.

Байдены засаг захиргаа ОХУ-ын Ерөнхийлөгч Владимир Путиныг хурцадмал байдлыг намжаахад түлхэц өгөхийн тулд Европ дахь дунд тусгалын пуужингийн хязгаарлалт, тив дэх цэргийн сургуулилтын хамрах хүрээг харилцан хязгаарлах асуудлыг хэлэлцэхэд бэлэн байна гэж АНУ-ын албаны хүмүүс мэдэгдсэн билээ.

Мөн АНУ ОХУ-ын эсрэг ашиглаж болох урьдчилан сэргийлэх стратеги бол газрын тос, байгалийн хийн хориг арга хэмжээ юм. Гэхдээ энэ нь АНУ-тай найрсаг харилцаатай ч ОХУ-аас нийлүүлэлтээ хийдэг Европын холбоо болон бусад холбоотнуудад түлшний өөр эх үүсвэр олох гэсэн үг юм.

Шингэрүүлсэн хийн олон улсын зах зээлд АНУ улам бүр ноёрхож байгаа. Шинээр баригдсан АНУ-ын терминалууд болон Европ дахь рекорд өндөр үнэ нь АНУ-ыг анх удаа түлшний дэлхийн тэргүүлэгч экспортлогч болгосон нь чулуужсан түлшний дэлхийн худалдааны сүүлийн өсөлтийн зах зээл байж магадгүй юм.

АНУ 2022 он хүртэл илүү олон экспортын байгууламж ажиллаж эхэлснээр тэргүүлэх байр сууриа хадгалах төлөвтэй байна. Гэвч өсөлт нь дотоодын нүүрсний хэрэглээг нэмэгдүүлэхэд хүргэж байгаа нь тус улсын нүүрстөрөгчийн ялгаруулалтыг бууруулах зорилтыг улам хүндрүүлж байна.

Б.Бүжлхамаа

www.wallstreetjournal.com