Өмнөд Солонгос улсын дунд сургуульд сурдаг 13 настай монгол охиныг дээд ангийн дөрвөн сурагч охин нийлж зургаан цагийн турш хүлж байгаад зодсон ноцтой хэрэг гарсан талаар тус улсын мэдээллийн хэрэгслүүд мэдээлсэн. Уг хэрэг 2021 оны Долдугаар сарын 3-нд гарсан бөгөөд сэжигтэн дөрвөн хүүхдийн хоёр нь насанд хүрээгүй гэх шалтгаанаар ямар нэгэн ял шийтгэл аваагүй байна. Харин нөгөө хоёр нь улсын тусгаарлалтад тодорхой хугацаагаар байхаар болсон байна.

Тэгвэл Монгол болон Өмнөд Солонгосын иргэд #justiceformongoliangirl хэмээн цахим тэмцлийг эхлүүлээд байна. 

Та БНСУ-ын Ерөнхийлөгчийн ордны нээлттэй цахим хаягт доорх холбоосоор ороод саналаа илгээх боломжтой юм.

Хэрэв бидний оруулсан пост 200 мянгаас дээш 동의  буюу ЗӨЮШӨӨРСӨН гэдэг саналыг авах юм бол Монгол охины асуудал Ерөнхийлөгчийн ажлын албанд хүрч, маш яаралтай арга хэмжээ авхуулах боломжтой юм.

Та энэхүү линзээр орж https://www1.president.go.kr/petitions/Temp/P7m674 саналаа нэгтгэх боломжтой!

Мөн хохирогч охинд яаралтай өмгөөлөгч хөлслөх шаардлагатай байгаа тул уншигч та бүхнийг боломжоороо туслалцаа үзүүлэхийг хүслээ. Мөн хүчирхийлэл үйлдсэн сурагчид одоо ч Монгол охиныг дарамталж, худлаа хэлэхээ боль гэж сүрдүүлсээр байна.