Мисс, жүжигчин Б.Баярцэцэг ирэх онд дэлгэцнээ гарах “Amazon” студийн 10 ангит “The Power” цувралд цахилгаан эмэгтэйн дүрийг бүтээжээ.
А.Баярцэцэг өмнө нь 2014 онд “Netflix” компанийн бүтээл "Марко Поло", 2018 онд Холливудын алдарт жүжигчин Стивен Сигалын ”Attrition” кинонд тоглож байсан юм.
“The Power” киноны зохиолыг Британийн зохиолч Наоми Алдерман 2016 онд бичсэн бөгөөд хурууныхаа тусламжтайгаар ер бусын хүч чадалд хувирдаг бүсгүйчүүдийн тухай өгүүлдэг шинжлэх ухааны зөгнөлт зохиол юм. Уг зохиол нь “Нью-Йорк таймс”-ын 2017 оны шилдэг 10 номын нэгээр шалгарч байсан ба “Амазон” студи дээрх зохиолоор 10 ангит кино хийх эрхийг авчээ.
Жүжигчдийн бүрэлдэхүүнд Лесли Манн, Жон Легуизамо, Тим Роббинс зэрэг алдартнууд багтсан байна.
"Шивэгчний өчил" цувралын найруулагчаар ажиллаж байсан Рид Морано уг киног найруулж, гүйцэтгэх продюсерээр нь ажиллажээ.
Дашрамд, жүжигчин А.Баярцэцэгийн бүтээсэн Солонгоогийн дүр анх Камон нэртэй тайланд эмэгтэйн дүр байжээ. Монгол жүжигчин бүтээсэн учраас уг дүрийг монгол болгон өөрчилсөн тухай жүжигчин бүсгүй цахим хуудаснаа нийтэлсэн байна.
