Өчигдөр Архангай аймагт 10 настай хүүхэд буудуулж амиа алдсан хэрэг гарчээ.
Тодруулбал, өчигдөр 22:55 цагийн орчимд Архангай аймгийн нутаг дэвсгэрт "10 настай эрэгтэй хүүхэд буудуулж нас барсан” гэх дуудлага мэдээлэл Цагдаагийн байгууллагад бүртгэгдсэн байна.
Мэдээллийн дагуу цагдаагийн байгууллагаас хэргийн газар очиж шалгахад амь хохирогч 10 настай хүүг түүний төрөл садангийн 38 настай эрэгтэй нь сум алдаж, амь насыг нь хохироосон байж болзошгүй нөхцөл байдал урьдчилсан байдлаар тогтоогджээ. Энэ хэргийг Архангай аймгийн Цагдаагийн хэлтэс үргэлжлүүлэн шалгаж байна.
