Сидней дүрмийн дагуу 100 гаруй хоногийн дараа буюу энэ даваа гаригт хөл хориогоо цуцаллаа. 

Хүмүүс үүнийг "Эрх чөлөөний өдөр" хэмээн нэрлэж байна.

Сидней хотод вакцин хийлгэсэн 10 хүн нэг дор цугларч болох бөгөөд улмаар хуриманд 100 хүн, гадаа арга хэмжээнд 500 хүн оролцож болохоор болжээ. Баар, ресторанууд нээгдсэн бөгөөд хүмүүс идэж, уугаагүй үедээ дотор маск зүүх шаардлагатай аж. 

Зарим салонууд шөнийн 00:01 цагт нээгджээ.

Тус мужийн насанд хүрсэн хүн амын 70 гаруй хувь нь бүрэн вакцин хийлгэсэн тул хэвийн байдалд орон баяраа тэмдэглэхэд хангалттай байв.

Ерөнхий сайд Доминик Перротт "Хүмүүс энэ өдрийг хүссэн нэрээрээ дуудаж тэмдэглэж болно. Энэ бол хүн бүрийн хийсэн хүчин чармайлт, золиослол дээр үндэслэн буй манай улсын ард түмний хувьд гайхалтай өдөр" гэжээ. 

Улсын хэмжээнд ахиц дэвшил жигд бус хэвээр байна. Мельбурн хөл хорьсон хэвээр байгаа бөгөөд өдөрт 1500 орчим тохиолдол гарч байна. Баруун Австралид тохиолдлын тоо бага боловч хүмүүсийн дөнгөж 50 орчим хувь нь бүрэн вакцинд хамрагдаад байгаа аж. 

Зургадугаар сард дэгдэлт эхлэхэд Австралид яаралтай тусламж, вакцин хомс байсан. Шинэ Өмнөд Уэльсэд шинэ тохиолдол өдөрт 1500 хүртэл болж улайссан. Одоо олон нийтийн дагаж нийтлэг дүрэм журмыг дагаж мөрдсөний дараа тохиолдлын тоо өдөрт 500 орчим болж буурчээ.

Тархвар судлаачид тус улсын хүн амынхаа 90 хувийг бүрэн вакцинжуулах төлөвлөгөөтэй санал нэг байна.

Б.Бүжлхамаа

www.nytimes.com