Анх 1,4 сая еврогоос эхэлсэн ч сүүлдээ 199 мянган евро хүртэл үнэ нь унажээ.
Германы нэгэн жижигхэн өндөрлөг болоох 400 метрийн Циркельштайн уулыг худалдах зар тавигджээ. Хадан элсэрхэг оргилтой, ой модоор хучигдсан толгой нь Эльба мөрний дээд урсгалд Дрезден хотоос холгүй Саксоны Швейцари гэж нэрлэгдсэн газарт байрладаг байна. Энэ уул нь уг байршил дахь хамгийн жижигхэн хадат толгой бөгөөд явган зугаалж, хаданд авирч амрах гэсэн хүмүүсийг татдаг байна. Мөн тус уул нь хувийн өмч бөгөөд эзэд нь нас өндөр болсноос ойн арчилгаа хийж чадахгүй болсноос түүнийг худалдахаар шийдсэн байжээ.
Нэлээд эрт 2006 онд түүнийг худалдах оролдлого гарч байсан аж. Тэр үед үнэ нь 1,4 сая евро байжээ. Худалдан авах санал ирээгүй ба харин одоо үнийг нь буулгасан санал eBay дээр тавигджээ. Саксоны Швейцарийн ер бусын хувийн уул нь одоо €199 500 евро болсон ба тэр үнэнд нь толгой, түүний ойролцоох найман га нутаг дэвсгэр орж байна.
Гэлээ ч энэ санал нь тийм ч сонирхол татахаар биш учир нь түүгээр явган хүний харгуй замууд дайрдаг ба тэр нь олон нийтийн хэрэглээнийх юм. Мөн хувийн өмчөө хашаалж болохгүй нөхцөлтэй бөгөөд эзэн нь харин тэндээ машин жолоодохыг зөвшөөрөх юм.
Уг уулын зургийг 1818 онд "Манангийн далай дээрхи аянч" зурагтаа Каспер Давид Фридрих зуран алдаршуулжээ.
