x

Ц.Анандбазар гишүүнээс айж байна уу, Ерөнхий сайд аа!?

Олон арван эмэгтэйн эрх чөлөөнд балмад бүдүүлгээрхалдаж сэтгэл санааны хохирол учруулж байсан УИХын гишүүн Ц.Анандбазар энэ өдрүүдэд амгалан налайж мөргөлөө үйлдэж буй бололтой. Нийгэмд цочрол үүсгэсэн залуу бүсгүйн эр зоригоор түүнд доромжлуулан гутаалгасан охид, эмэгтэйчүүд “Энэ удаад Монголын төр, хууль хяналтын байгууллага Ц.Анандбазартай хариуцлага тооцно” гэж найдсандаа сэтгэл буртаглан тээж явсан эвгүй дурсамжаа дэлгэсэн билээ. Гэвч Монголын төр “сонсохыг хүссэнгүй”. Өөрөөр хэлбэл Монголын хууль, хяналтын байгууллага түүнээс охид эмэгтэйчүүдийн нэр хүнд, сэтгэл санааны хохирлыг нэхэмжилж чадахгүйгээ харууллаа. 

Түүнд холбогдох дэндүү олон баримт бүхий хавтаст хэргүүд байсан ч хэрэгсэхгүй болгосоор байдгийн цаад нууцыг Ерөнхий сайд Та ч, би ч мэднэ. Ерөнхий сайд, МАН-ын дарга асан У.Хүрэлсүх түүнийг МАН-аас хөөгөөд Ерөнхийлөгч болов. Гэсэн ч энүүхэнд Ц.Анандбазар “хохирно” гэж үү? Ийм шийтгэлээр юуг шийднэ гэж? Одоо хэр нь хуулийн зарим байгууллага түүнд үйлчилсээр, түүний алдааг баримттайгаар шүүмжилсэн иргэн ч, сэтгүүлч ч Ц.Анандбазараас хүнд нөхцлөөр хавчигдан дарамтлагдаж байна. Харин Ц.Анандбазарыг шалгаж байгаа эсэх нь нууцлагдмал. 

Уг нь Ерөнхий сайд Л.Оюун-Эрдэнэ Засгийн газрын 100 хоногийн ажлыг сэтгүүлчдэд танилцуулах үеэрээ "Ц.Анандбазар гишүүнтэй холбоотой асуудал нийгэмд нэлээд газар авч байна. Мэдээж парламентын гишүүний өөрийн бүрэн эрхийн асуудал байдаг. Гарч ирсэн бүх асуудлын төлөө парламентын гишүүн огцорно гэдэг амаргүй асуудал мөн үү гэвэл мөн. Гэхдээ миний хувьд Ц.Анандбазар үнэхээр гэм буруугүй бол УИХ-ын гишүүнээсээ түдгэлзээд шалгуулах хэрэгтэй. Гэм буруугүйгээ нотлочихоод ороод ирвэл ёс зүйн хувьд хамгийн зөв гэж бодож байна. Хариуцлага тооцох субъектэд нь Ерөнхий сайдын хувьд саналаа хэлсэн"  гэсэн байр суурийг илэрхийллээ. Дараа нь саяхан “Шүгэл үлээгчдийг хамгаална” гэв. Гэсэн ч “шүгэл үлээгчид” хуулийн байгууллагын үүд сахиж, Ц.Анандбазар гишүүний хууль бус үйлдлүүд үргэлжилсээр байна. 

 Хуулийн талаасаа төрийн өмчит компаниудад дур зоргоороо авирлан шахаа хийдэг, тендерт ялсны дараа санал болгосон үнээ нэмчихдэг, Дархан цаазат газарт “Аялал жуулчлалын зориулалтаар” газар эзэмших гэрээгээ зөрчөөд хувьдаа ашиг олох зорилгоор хаус барьж зараад байна, газрын төлбөрөө ч төлөхгүй байна, гэрээ байгуулсан хугацаагаа ч сунгаагүй гэхчлэн олон баримтыг дэлгэж байсан боловч Монголын төрд Ц.Анандбазарыг дийлэх хууль, хуульч үгүй бололтой. Одоо би болон Монголын эмэгтэйчүүд УИХ-ын гишүүн Ц.Анандбазараас айж байна. Тэр хэний ч нэрээр гомдол гаргаж өөрөө нуугдаж хуулийн байгууллагаар дарамтлуулж чаддагийг харлаа. “Шүгэл үлээгчдийг хамгаална” гэсэн Ерөнхий сайд Танд маш ихээр талархсан ч “шүгэл үлээсэн” бүхэн үл үзэгдэх дарамтад тарчилсан хэвээрээ байна. 

Харин одоо ээлжит баримтаа дэлгэе. Эх сурвалж нь Хөгжлийн банкны Зээлийн хяналт шалгалтын тайлан. УИХ-ын гишүүн Ц.Анандбазарын эзэмшлийн “Сод монгол групп” ХХК “Тос тосолгооны материалын үйлдвэр”  төсөл гэсэн нэртэйгээр, жилийн 6.5 хувийн хүүтэй 60 сарын хугацаатайгаар 669.6 сая иенийн дүнтэй хоёр удаагийн хэсэгчилсэн зээлийг авсан. Төслийн нийт өртөг нь 43 сая ам.доллар! Хөгжлийн банкны зээлийн хяналт шалгалтаар зээлийн гэрээний 3.1.4 болон 8.1.1 гэх нийт хоёр заалтын хэрэгжилт хангалтгүй гэж дүгнэгджээ. Дээрх заалтад “Зээлийн гэрээний зориулалт: Тос тосолгооны материалын үйлдвэрийн төсөл. Үүнээс өөр зориулалтаар ашиглахыг хориглоно” гэж заасан боловч зээлийг зориулалтын дагуу ашигласан гэх хангалттай баримт байхгүй хэмээн тайланд дүгнэсэн байгаа юм. Мөн үүнд “2017 оны 7 дугаар сарын 6-ны өдрийн З-СМ-ЗҮ 2017057 тоот гэрээний 5.3-т  зээлдэгчийн данс руу шилжүүлэх тухай заалт оруулсан хэрнээ 9.1.2-т бэлтгэн нийлүүлэгч компанид шилжүүлэх тухай заалт  оруулсан байгаа нь зөрчилдөж байна. Зээлийн санхүүжилтийг бэлтгэн нийлүүлэгчийн дансанд шилжүүлээгүй, зээлдэгчийн “Голомт” банкны дансанд  шилжүүлсэн” гэж Хөгжлийн банкны зээлийн хяналт шалгалтын тайланд бичсэн байна. Түүнчлэн Хөгжлийн банкнаас зээлдэгчийн төлөөлөлтэй тухай төслийн байршилд очиж уулзах үеэр өгсөн тайлбар нь “2021 оны хоёрдугаар улирлаас үйлдвэрлэлийг эхлүүлнэ” гэсэн мэдээлэл өгчээ. Өнөөдрийн байдлаар ямар үйлдвэрлэл эхэлчихээд байгаа юм бэ?  

 

Ерөнхий сайд аа! Монгол Улсын Ерөнхий Прокурор оо! Цагдаагийн Ерөнхий газрын дарга аа!  Хэрэв иргэн миний бие Монгол Улсын Хөгжлийн банкнаас 43 сая ам.долларын өртөгтэй төсөл хэрэгжүүлэхдээ зээлийн гэрээний хоёр заалтыг зөрчөөд авсан зээлээ зориулалтын бусаар зарцуулан санхүүжилтээ өөрийнхөө дансанд шилжүүлчихсэн бол шоронд сууж байх байсан. Мөн биз? Иргэн миний бие, УИХ-ын гишүүн Ц.Анандбазар нарт ижил хууль үйлчлэх үү? Үүнд хариулт өгнө үү!

У.Оргилмаа

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iШинэ мэдээ
Казахстаны уран гулгагч Михаил Шайдоров Олимпын аварга боллоо 8 цаг 43 мин Лувр дахь луйврын сүлжээг илрүүлжээ 8 цаг 46 мин “Монгол Улсын түүх 30 боть” бүтээх ажил эхэллээ 8 цаг 55 мин Улаанбаатарт өдөртөө 12 хэм хүйтэн 9 цаг 40 мин Ерөнхий боловсролын 122-р сургуулийг хийн халаагуурт шилжүүлэв 22 цаг 46 мин Зах, худалдааны төвүүд зогсоолоо нэмэгдүүлж эхэллээ 22 цаг 51 мин Улаанбаатарт шөнөдөө 25 хэм хүйтэн 22 цаг 58 мин АЖ Д.Баттөмөр: Б.Явуухулан гуайн хоёр хайртай шүлэгт аялгуу хийсэндээ баярладаг 23 цаг 5 мин Г.Занданшатарын задалсан бэлгийг задгайлж үзэхэд... 23 цаг 14 мин Ирэх арав хоногийн цаг агаарын урьдчилсан төлөв Уржигдар 18 цаг 22 мин BTS-ын тоглолтыг кино театруудаар шууд дамжуулна Уржигдар 18 цаг 13 мин Санхүүгийн зохицуулах хороо үнэт цаасны зах зээлийн шимтгэл, хураамжийг буурууллаа Уржигдар 18 цаг 11 мин Зөвшөөрлийн тухай хуулийн хэрэгжилтийн талаар цуврал хэлэлцүүлэг зохион байгуулна Уржигдар 18 цаг 09 мин Улаанбаатарт шөнөдөө 23 хэм хүйтэн Уржигдар 18 цаг 09 мин Эрчим хүчний 24 аудиторт гэрчилгээ гардууллаа Уржигдар 18 цаг 07 мин “Ардчиллын гэрэгэ” олгох хүндэтгэлийн арга хэмжээ болов Уржигдар 18 цаг 04 мин Сайн ноён хан Т.Намнансүрэнгийн Англид илгээсэн захидал архивт хадгалагдаж байна Уржигдар 18 цаг 02 мин ФИФА-гийн ерөнхийлөгч Ж.Инфантиног “Найрамдал медаль”-аар шагналаа Уржигдар 18 цаг 01 мин Монгол Улсад 100-аас дээш настай 166 иргэн байна Уржигдар 17 цаг 59 мин Бортээгийн ордоос Монгол Улсын хүртэх өгөөжийг 51 хувьд хүргэнэ Уржигдар 15 цаг 49 мин
iИх уншсан
"Зул задарсан" 60 хувь буюу үндэсний хөрөнгө оруулагчидтай х... Эрчим хүчний төслүүдээ нураасан нь Л.Гантөмөрийн “дуулиан тарьсан” ярилцлагын задлан Төр өөрөө "шийдвэр гүйцэтгэгч" болж тоглосон нь Засгийн газр... Ж.Баярмаа: Авлига, хүнд суртал, хуулийн тогтворгүй байдал то... Дахин хүчирхэгжихэд нь Иран тээглэв үү? Дахин төлөвлөлтөд байраа өгөлгүй үлдсэн цор ганц оршин суугч... "Би үүнтэй тэмцэх юм шүү" гэж амлалт өгөөд өдөр бүр бодож ба... Намибийн ард түмэн монголчуудын тусыг хэзээ ч мартахгүй! Монголын түүх номын тухай товчхон С.Эрдэнэболд: Монгол Улсад “Хөнжлийнхөө хэрээр хөлөө жийе” г... Хармагтайн ордоор тэтгэврийн зээлийг тэглэж хаврын улс төрий... Норвегийн элчин сайд Жеффри Эпштейнтэй холбоотой байсан тул ... Г.Занданшатарын задалсан бэлгийг задгайлж үзэхэд... Монгол Улс авлигын индексээр ухарч 124-р байрт бичигджээ Зах, худалдааны төвүүдийн Цагаан сараар ажиллах хуваарь Ирэх арав хоногийн цаг агаарын урьдчилсан төлөв Цагаа түлх, Ерөнхий сайд аа! Хятад улс Канадын иргэнд оноосон цаазын ялыг хүчингүй болгол... АНУ-ын хилээр нэвтрэх иргэдийн анхааралд!
Top