Хэд хоног үргэлжилсэн аадар бороо орсны улмаас Хятадын төв хэсэгт хүчтэй үер бууж, хүмүүсийг нүүлгэж шилжүүлж байна.

Хенань мужийн 10,000 гаруй хүнийг хоргодох байр руу нүүлгэн шилжүүлжээ.

Үер эхэлснээс хойш Жэнжоу хотод дор хаяж 12 хүн нас барсан гэж тэндхийн эрх баригчид мэдээлэв. 

Мөн арав гаруй хотод гол замууд хаагдахаас өөр аргагүй болж, нислэгүүд цуцлагджээ.

94 сая орчим хүн амьдардаг Хэнань муж нь ер бусын идэвхитэй аадар борооны дараа цаг агаарын хамгийн өндөр сэрэмжлүүлэг гаргаад байна. 

Их хэмжээний үерт олон хүчин зүйл нөлөөлдөг боловч уур амьсгалын өөрчлөлтөөс үүдэлтэй цаг агаар дулаарч, хэт их хур тунадас орох магадлал өндөр байна.

Нийгмийн сүлжээн дэх зургуудад машин, хог хаягдал үерийн усанд урсаж байгааг харуулсаар байна.

Мөн Хяьадын Луянг хотын даланг "хэзээ бол хэзээ нурж болзошгүй" гэж анхааруулжээ.

Жэнжоу хотод баталгаагүй видео бичлэгт үерт автсан метроны вагонууд дахь зорчигчидийн мөрний дээгүүр ус хүрч байгааг харуулжээ.

Мөн Жөнжөү хотод сүүлийн гурван хоногт орсон хур тунадасны хэмжээ жилийн турш ихэвчлэн орох хэмжээтэй ижил хэмжээтэй байна гэж албаныхан мэдээлэв.

Аадар бороо тус бүс нутагт дор хаяж ойрын 24 цагийн турш үргэлжлэх төлөвтэй байна.

А.Долгор

www.bbc.com