Юнеско Англичуудыг Викториан боомтын түүхэн үнэ цэнийг орчин үеийн бүтээн байгуулалтаар "алдагдуулсан" хэмээн олон жилийн, орчин үеийн хөгжлийг буруутган Ливерпүүлийг дэлхийн өв сангаас эргэлт буцалтгүй хасжээ.
НҮБ-ын өвийн байгууллага лхагва гаригт Хятадад болсон уулзалтын үеэр Ливерпүүл хотын эрэг хавийн "бүх нийтийн гайхамшигт үнэ цэнэ"-ийг шинэ барилгууд, тэр дундаа Эвертон хөлбөмбөгийн клубын 500 сая фунт стерлингийн шинэ цэнгэлдэх хүрээлэн устгасан гэж дүгнэжээ.
Энэхүү шийдвэр нь хотын хувьд гутамшигт цохилт болж, Ливерпүүлд сүүлийн 50 жилийн хугацаанд статусаа алдсан гурав дахь газар гэсэн шившигтэй нэрийг өглөө. Жагсаалтаас хасагдсан бусад газрууд нь 2007 онд Оманы Арабын Орикс дархан газар, 2009 онд Германы Дрезден Элбийн хөндий байв.
Ливерпүүл нь 2004 оноос хойш дэлхийн өвийн статустай болсон юм. Энэ нь Таж Махал, Хятадын Цагаан хэрэмтэй эгнэж, Их Британийн эзэнт гүрний үед томоохон худалдааны гүрэн болж, далайн эргийн архитектур үзэсгэлэнтэй байсныг хүлээн зөвшөөрсөн явдал байлаа.
Дэлхийн өв сангийн энэхүү нэр хүнд нь түүхэн дурсгалт газруудад НҮБ-ын байгаль хамгаалах санхүүжилт, дайны үед Женевийн конвенцийн дагуу хамгаалалт авах, Дэлхийн аялал жуулчлалын гарын авлага номд оруулах зэрэг боломжийг олгодог юм.
Хөгжил нь хотын өнгө үзэмжийг эрс өөрчилж, эрэг орчмынхоо өв соёлыг үгүй хийж байна гэж Юнеско 2012 онд анхааруулснаас хойш жагсаалтаас хасагдах аюул заналхийлж байжээ.
Б.Бүжлхамаа
