Энэтхэг, Бразилыг зовлонгоор хучсан вирус Зүүн Өмнөд Азид хүрчээ. Хүн амын тоогоор дөрөвт жагсдаг Индонез улс өнөөдөр өдөрт илэрсэн шинэ халдварын тоогоор дэлхийд тэргүүлж байгаа бөгөөд баасан гаригт 57,000 шинэ тохиолдол бүртгэгдсэн байна.

Халдвар ихтэй Delta хувилбар нь Ява, Бали арлууд дахь огцом халдварын өсөлтийг улам бүр оволзуулж байна. Бодит байдал дээр мэдээллэж буй тоо баримтаас хэд дахин их халдвар тархаад байгаа аж. Австралийн Гриффитийн их сургуулийн Индонезийн эпидемиологич Дики Будиман бодит тоо гурваас зургаа дахин их байна гэж тооцоолжээ.

Зарим эмнэлгүүд өвчтөнүүдийг том майханд байрлуулж, яаралтай өргөтгөл хийж байна.  Гэхдээ олон мянган хүн эмнэлгийн коридор, майхан, машинд унтаж, нээлттэй ор хүлээж байна. Албаныхны тооцооллоор барагцаалахад эрүүл мэндийн салбарын ажилтнуудын 10 хувь нь халдвар авсан тул тусгаарлагдсан байгаа гэв.  

"Хэрэв бид эмнэлэгт хандах юм бол хүчилтөрөгчөө өөрсдөө авчрах ёстой" гэж нагац эгчийнхээ гэр бүлд эмчилгээ хийлгэхэд нь туслахыг оролдож байгаа, 28 настай Наймас Сити Надиа хэлэв. 

Йогякарта хотын нэг эмнэлэгт хүчилтөрөгчийн төвлөрсөн хангамж дуусч 33 өвчтөн нас баржээ. Харин нөгөө талд Индонезийн 270 сая хүний ​​дөнгөж 15 орчим хувь нь вакцины тун авсан байна. Ердөө зургаан хувь нь бүрэн тунгаа авчээ.

Бүс нутгийн хувьд Вьетнам, Малайз, Мьянмар, Тайланд улсууд одоог хүртэл өндөр тархалттай хэвээр байна.

Дэлхийн бусад хэсэгт ковидтой холбоотой: 

• Өдөрт 50 мянга гаруй тохиолдол бүртгэгдсэн ч Их Британи хязгаарлалтаа даваа гаригт буюу өнөөдөр цуцлахаар төлөвлөж байна. Ерөнхий сайд Борис Жонсон болон түүний санхүүгийн дээд албан тушаалтан Эрүүл мэндийн сайдаас эерэг хариу гарсны дараа өөрсдийгөө тусгаарлаж байна.

• Олимпийн зохион байгуулагчид тамирчдын тосгон доторх анхны хэргүүдийн талаар мэдээлж, наадам баасан гаригт эхлэхээр болжээ.

• БНХАУ-ын зарим орон нутгийн засаг захиргаа оюутнуудыг намар сургуульдаа эргэж ирэхээс өмнө бүх оюутнууд болон тэдний гэр бүлийнхэнд вакцин хийлгэхийг шаардаж эхэлжээ.

Б.Бүжлхамаа

www.nytimes.com