"Тэнэсэн сум тархинд" гэдэг шиг хааяа ч болов оносон ганц нэг үг хэлчихдэг УИХ-ын цөөхөн гишүүдийн тоонд УИХ дахь АН-ын бүлгийн дарга, "бидон" хочит Д.Ганбат гишүүн багтана. Яг л нөгөө "Өвөл болохоор хүйтэн болно" гэдэг шиг байндаа шууд тусдаг жинхэнэ үг. Шар тос л гэсэн үг...

Өчигдөр МАН-ын генсек Д.Амарбаясгалан тэргүүтэй МАН-ын гишүүд АН дотоодод болж буй зөрчил тэмцэл болон үүндээ МАН-ыг холбогдуулж байгааг буруутгаж мэдэгдэл хийсэн билээ. Энэ үеэр УИХ-ын гишүүн, Сангийн сайд Ч.Хүрэлбаатар "МАН бол дарангуйлагч нам биш. Манай нам үргэлж ардчиллын төлөө явсан. Хуулиас давсан, дарангуйлсан үйлдэл, үйл ажиллагааг МАН биш, АН хийдэг" хэмээн мэдэгдсэн билээ.

Харин өнөөдөр талбай дээр болсон үйл явдлын үеэр "бидон" хочит Д.Ганбат гишүүн маань "МАН бол дарангуйлагч нам. Таван хүн нэрээ дэвшүүлэхэд ганцхан хүн 100 хувийн санал авдаг ямар ардчилал байдаг юм. Ядаж нөгөө дөрөв нь өөрөө өөртөө нэг нэг санал өгдөг юм байгаа биз дээ" хэмээн хариу барив.