Өнгөрсөн амралтын өдөр цагдаагийн тавьсан шаардлагыг биелүүлээгүй иргэний бичлэг олон нийтийн сүлжээнд цацагдсан.
Тодруулбал, Баянгол дүүргийн 4 дүгээр хороонд оршин суудаг иргэн С энэ сарын 1-ны 17:00 цагийн орчим тус дүүргийн 2 дугаар хорооны нутаг дэвсгэрт хөл хорионы дэглэм зөрчиж, зорчсон байна.
Тухайн үед цагдаагийн алба хаагч шаардлага тавьсан боловч эсэргүүцэж, цагдаагийн алба хаагчийн хууль ёсны шаардлагыг биелүүлээгүй юм.
Тэгвэл дээрх иргэнийг Зөрчлийн тухай хуулийн 15.2-д заасны дагуу 250000 төгрөгөөр торгожээ.