Коронавирусийн эсрэг вакцины эхний тундаа нэг сая дахь иргэн хамрагдсаныг Засгийн газраас мэдээллээ.
Ингэснээр зорилтот бүлэг буюу насанд хүрсэн хүн амынхаа 50 хувийг эхний тунд хамруулжээ.
Монгол улсад хүн амын 60 хувийг вакцинд бүрэн хамруулснаар сүргийн дархлаа тогтож, нийгэм энгийн амьдралдаа орох боломжтой болно хэмээн тооцож байсан. Гэвч тархвар судлаачдын энэ тооцоолол өөрчлөгдөж 80 хувийг бүрэн хамруулах шаардлагатай гэж үзжээ.
Монгол улсад 18-аас дээш насны 2,067,292 хүн байгаагаас нэг сая нь эхний тун, 450 мянга гаруй нь хоёр тундаа бүрэн хамрагдаад байна.
Мөн орон нутагт вакцинжуулах ажлыг эрчимжүүлээд буй.
Дашрамд, ЭМЯ-наас 16-18 насны хүүхдүүдийг вакцин хамруулахаар судалгаа хийж байгаа талаар мэдээлсэн билээ.
