Засгийн газрын ээлжит бус хуралдаанаар Дөрөвдүгээр сарын 10-25-ны хооронд хатуу хөл хорио тогтоохоор шийдвэрлэсэн. Хөл хорио тогтоосонтой холбогдуулан эдийн засгийн эргэлтийг дэмжих зорилгоор иргэн бүрд 300 мянган төгрөгийн нэг удаагийн тусламжийг олгохоор болсон.
Тэгвэл уг мөнгийг иргэдийн дансанд шилжүүлж эхэлжээ.
Тодруулбал, 358.9 тэрбум төгрөгийн гүйлгээг хийж, хүүхдийн мөнгө олгодог данс руу шилжүүлсэн тухай Монголбанкны Ерөнхийлөгч Б.Лхагвасүрэн цахим хуудсаараа мэдээллээ.
“Оюу толгой”-н арбитрын шүүхэд үүсгэсэн маргаантай холбоотой татварын орлогоос энэхүү мөнгийг гаргаж байгаа юм.
Үндэсний статистикийн хорооны цахим хуудсанд мэдээлснээр өнөөдөр манай улс 3,371,140 иргэнтэй байна. Иргэн тус бүрд 300 мянган төгрөг олговол 1 их наяд 11 тэрбум төгрөг шаардлагатай болох юм.